ٹی 20 ورلڈ کپ میں نمیبیا کے خلاف میچ سے قبل بابر اعظم اور شاہین آفریدی کو ڈراپ کیے جانے کا امکان ہے۔
کرکٹ ویب سائٹ نے ذرائع کے حوالے سے بتایا ہے کہ ٹی 20 ورلڈ کپ میں نمیبیا کے خلاف آخری گروپ میچ کے لیے قومی ٹیم میں تبدیلیوں کا امکان ہے، کئی سینئر کھلاڑیوں کو آرام دیا جاسکتا ہے۔
پاکستان کو سپر ایٹ مرحلے میں پہنچنے کے لیے نمیبیا کے خلاف لازمی فتح درکار ہے۔
نمیبیا کے خلاف میچ میں بابر اعظم اور فاسٹ بولر شاہین آفریدی کو آرام دیا جاسکتا ہے جبکہ اس کے علاوہ بھی ایک سے دو تبدیلیاں ہوسکتی ہیں۔
یہ پڑھیں: ٹی ٹوئنٹی ورلڈکپ: بھارت نے پاکستان کو شکست دیدی
واضح رہے کہ آئی سی سی ٹی ٹوئنٹی ورلڈ کپ میں بھارت کے خلاف کھیلے گئے میچ میں پاکستان کو 61 رنز سے شکست کا سامنا کرنا پڑا۔
بھارت نے پہلے بیٹنگ کرتے ہوئے مقررہ 20 اوورز میں 7 وکٹ کے نقصان پر 175 رنز بنائے، بھارت کے 176 رنز کے ہدف کے جواب میں پاکستانی ٹیم 18 اوور میں 114 رنز بنا کر آؤٹ ہوگئی۔
ایشان کشن کو شاندار اننگز کھیلنے پر میچ کا بہترین کھلاڑی قرار دیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں