ٹی 20 ورلڈ کپ کے 29ویں میچ میں انگلینڈ نے اٹلی کو 24 رنز سے شکست دے کر سپر 8 مرحلے میں رسائی حاصل کرلی۔
ایڈن گارڈن میں کھیلے گئے میچ میں انگلینڈ کی جانب سے دیے گئے 203 رنز کے تعاقب میں اٹلی کی ٹیم آخری اوور میں 178 رنز بنا کر آؤٹ ہوگئی۔
بین مننیتی کی 60 رنز کی اننگز رائیگاں گئی، گرانٹ اسٹیورٹ نے 45 رنز بنائے، جسٹن موسکا 43 رنز بنا کر آؤٹ ہوئے، کپتان ہیری 12 رنز بنا کر پویلین لوٹ گئے۔
View this post on Instagram
انگلینڈ کی جانب سے سیم کرن اور جیمی اوورٹن نے تین، تین کھلاڑیوں کو آؤٹ کیا، جوفرا آرچر نے دو وکٹیں حاصل کیں۔
View this post on Instagram
اس سے قبل انگلینڈ نے مقررہ اوورز میں 7 وکٹوں کے نقصان پر 202 رنز بنائے اور اٹلی کو جیت کے لیے 203 رنز کا ہدف دیا تھا۔
ول جیکز نے 22 گیندوں پر 53 رنز کی شاندار اننگز کھیلی، ان کی اننگ میں 4 چھکے اور تین چوکے شامل تھے، ٹام بینٹن 30 رنز بنا کر نمایاں رہے۔
View this post on Instagram
فل سالٹ 28 رنز بنا کر آؤٹ ہوئے، سیم کرن نے 25 رنز بنائے۔
اٹلی کی جانب سے گرانٹ اسٹیورٹ اور کریشن نے دو، دو کھلاڑیوں کو پویلین کی راہ دکھائی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں