احمد آباد (9 مارچ 2026): بھارتی ٹیم ٹی 20 ورلڈ کپ کے کسی بھی ایک ایڈیشن میں 100 چھکے لگانے والی پہلی ٹیم بھی بن گئی۔
بھارت کی ٹیم آئی سی سی ٹی 20 ورلڈ کپ میں اپنے اعزاز کا کامیابی سے دفاع کر کے مسلسل دوسری بار چیمپئن ہی نہیں بنی بلکہ وہ آئی سی سی ورلڈ کپ کے کسی ایک ایڈیشن میں 100 چھکے لگانے والی پہلی ٹیم بھی بن گئی۔
احمد آباد کے نریندر مودی اسٹیڈیم میں کھیلے گئے فائنل میں جب سنجو سیسمن نے 14 ویں اوور میں رچن رویندرا کو لگاتار تین چھکے مارے تو اس کے ساتھ وہ ورلڈ کپ 2026 میں بھارتی ٹیم کے لگائے گئے چھکوں کی سنچری ہو گئی۔
بھارتی ٹیم نے ختم ہونے والے میگا ایونٹ میں مجموعی طور پر 102 چھکے لگائے۔
سنجو سمسن نے سیمی فائنل کی طرح فائنل میچ میں بھی دھواں دھار اننگ کھیلی اور 46 گیندوں پر 89 رنز بنا کر ٹیم کی فتح میں اہم کردار ادا کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں