ٹی 20 ورلڈ کپ کا فائنل کل بھارت اور نیوزی لینڈ کے مابین احمد آباد کے اسٹیڈیم میں کھیلا جائے گا۔
ٹی 20 ورلڈ کپ کے فائنل میں کیوی کپتان مچل سینٹنر نے بھارتی کراؤڈ کو خاموش کروانے پر نظریں جمالی ہیں، فائنل معرکہ کل شام ساڑھے 6 بجے شروع ہوگا۔
بھارت کو رواں ایونٹ میں صرف جنوبی افریقا سے شکست ہوئی ہے نیوزی لینڈ کو گروپ میں جنوبی افریقا نے اور سپر 8 میں انگلینڈ نے ہرایا تھا۔
یہ پڑھیں: ٹی 20 ورلڈ کپ کی ٹیمیں مشرق وسطیٰ کی صورتحال کے باعث بھارت میں پھنس گئیں
بھارت ہوم گراؤنڈ پر تاریخ دہرائے گا یا کیوی ٹیم نئی تاریخ رقم کرے گی اس کا فیصلہ کل ہوجائے گا۔
اگر سوریا کمار یادیو الیون جیتتی ہے تو بھارت مسلسل دو ٹی 20 ورلڈ خپ جیتنے والی پہلی ٹیم بن جائے گی، نیوزی لینڈ نے میدان مارا تو پہلی بار عالمی چیمپئن بنیں گے۔
کیویز نے سیمی فائنل میں 13 اوورز میں 170 رنز کا ہدف پورا کیا ہے جبکہ بھارت نے ناک آؤٹ مرحلے میں 253 رنز بنائے اور انگلینڈ کو 7 رنز سے شکست دی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں