کراچی (15 فروری 2026): شائقین کرکٹ کے لیے آج کا سن ڈے ڈبل فن ڈے بننے والا ہے کیونکہ آج کرکٹ کے دو سپر پاور مقابلے ہو رہے ہیں۔
میدان کرکٹ کا ہو اور حریف ٹیمیں پاکستان اور بھارت ہوں تو وہ صرف کھیل نہیں بلکہ جذبات کی شدت شامل ہو کر میدان جنگ بن جاتا ہے، جہاں جنگ ہتھیاروں کے بجائے گیند اور بلے سے لڑی جاتی ہے۔
شائقین کرکٹ کے لیے آج ڈبل سن ڈے ہے کیونکہ آج ایک نہیں بلکہ دو، دو پاک بھارت میچز ہو رہے ہیں۔
ایک پاک بھارت مقابلہ شام ساڑھے 6 بجے کولمبو میں آئی سی سی ٹی 20 مینز ورلڈ کپ میں پاکستان اور بھارت کے درمیان ہو رہا ہے، جس پر شائقین کرکٹ کے ساتھ دنیا بھر کے میڈیا کی نظریں لگی ہوئی ہیں۔
تاہم اس سے قبل بنکاک میں دونوں ملک کی کڑیاں رائزنگ اسٹار ویمنز ایشیا کپ میں ٹکرائیں گی، جو پاکستانی وقت کے مطابق کچھ دیر بعد شروع ہو رہا ہے۔
پاکستان ویمنز ٹیم نے ایونٹ میں اپنا پہلا میچ جیتا جبکہ ورلڈ چیمپئن بھارت کو پہلے میچ میں متحدہ عرب امارات سے شکست ہوئی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں