لاہور: بھارت نے پاکستان بلائنڈ کرکٹ ٹیم کو ٹی 20 ورلڈ کپ کے لیے ویزے جاری کرنے کی یقین دہانی کروادی۔
اے آر وائی نیوز کے مطابق چیئرمین پاکستان بلائنڈ کرکٹ کونسل کا کہنا ہے کہ بھارتی ہائی کمیشن نے پیر کو ویزے جاری کرنے کی یقین دہانی کروائی ہے۔
انہوں نے کہا کہ ویزے ملنے پر بھارت روانہ ہوں گے، اگر ویزے مل جاتے ہیں تو میچز کی تاریخوں کو ری شیڈول کیا جائے گا۔
سید سلطان شاہ کا کہنا ہے کہ بھارتی ہائی کمیشن کے مطابق ایک وزارت سے کلیئرنگ آئی ہے مگر دوسری سے نہیں آئی۔
مزید پڑھیں: ٹی ٹوئنٹی ورلڈکپ: پاکستان بلائنڈ کرکٹ ٹیم بھارتی ویزوں کی منتظر
واضح رہے کہ ٹی 20 بلائنڈ کرکٹ ورلڈ کپ 5 دسمبر سے بھارت میں شروع ہوگا، قومی ٹیم پہلا میچ 7 دسمبر کو جنوبی افریقا کے خلاف کھیلے گی۔
دوسرے میچ میں قومی ٹیم کا روایتی حریف بھارت سے 8 دسمبر کو مقابلہ ہوگا، واضح رہے کہ پاکستان کو دوسرے ٹی 20 بلائنڈ ورلڈ کپ کے فائنل میں شکست ہوئی تھی۔
