The news is by your side.

’بھارت نے پاکستان والی شکست سے کوئی سبق نہیں سیکھا‘

آئی سی سی ٹی 20 ورلڈ کپ کے دوسرے سیمی فائنل میچ میں انگلش ٹیم نے بھارت کو باآسانی دس وکٹوں سے شکست دے کر فائنل میں رسائی حاصل کرلی، میگا ایونٹ کا فائنل معرکہ پاکستان اور انگلینڈ کے درمیان 13 نومبر بروز اتوار کو کھیلا جائے گا۔

 بھارتی ٹیم کے کپتان روہت شرما نے میچ کے بعد اعتراف کیا کہ اہم ترین میچ میں ہماری بولنگ بالکل بھی اچھی نہیں رہی اور ہم نے بہت بڑا کھیلا۔

روہت شرما نے معنی خیز انداز میں کہا تھا کہ دباؤ کو کیسے برداشت کرنا ہے یہ سکھایا نہیں جاسکتا، کچھ لڑکے دباؤ برداشت کرلیتے ہیں جبکہ کچھ نہیں کرپاتے۔

تاہم سابق بھارتی کرکٹرز ہربھجن، سنگھ، وریندر سہواگ، سریش رائنا سمیت سوشل میڈیا صارفین کی جانب سے ٹیم پر تنقید کی جارہی ہے۔

سوشل میڈیا پر شائقین کرکٹ کی جانب سے دلچسپ میمز بنانے کا سلسلہ بھی جاری ہے۔

سابق آف اسپنر ہربھجن سنگھ نے کہا کہ ’ہم نے ماضی میں پاکستان کے ہاتھوں ہونے والی 10 وکٹوں سے شکست سے کوئی سبق نہیں سیکھا ہے۔‘

انہوں نے کہا کہ ’آج ہم نے ایسا میچ ہارے ہیں جس سے دل افسردہ ہے۔‘

سابق اوپنر وریندر سہواگ کا کہنا تھا کہ ’پہلے ہی کہا تھا کہ اگر انگلینڈ یا آسٹریلیا سے مقابلہ ہوا تو بہت مار پڑے گی، انگلش ٹیم نے طبیعت سے سب کو دھویا ہے۔‘

Comments

یہ بھی پڑھیں