لاہور : پاکستان ٹی ٹوئنٹی ورلڈ کپ کی تیاریوں کا باقاعدہ آغاز کردیا گیا ہے، قومی اسکواڈ پیر اور منگل کو ایل سی سی اے گراؤنڈ میں ٹریننگ کرے گا۔
تفصیلات کے مطابق قومی ٹی ٹوئنٹی اسکواڈ کا نیشنل ہائی پرفارمنس سینٹر میں بھرپور تربیتی سیشن ہیڈ کوچ ثقلین مشتاق کی زیر نگرانی جاری ہے۔
تربیتی مشقوں کے دوران باؤلنگ کنسلٹنٹ ویرنن فیلنڈر کا بولرز کے ساتھ خصوصی سیشن ہوا اور کھلاڑیوں نے نیٹ سیشن سے فیلڈنگ ڈرلز بھی کیں۔
ذرائع کا کہنا ہے کہ قومی اسکواڈ کا نیٹ سیشن چار گھنٹے تک جاری رہے گا جب کہ پیر اور منگل کو قومی اسکواڈ ایل سی سی اے گراؤنڈ میں ٹریننگ کرے گا۔
ٹی ٹوئنٹی ورلڈ کپ کےلیے روانگی سے قبل 14 اکتوبر کو قذافی اسٹیڈیم لاہور میں سینیریو میچ کھیلا جائے گا جب کہ 15 اکتوبر کو کھلاڑی متحدہ عرب امارات کےلیے روانہ ہوں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں