کراچی: ٹی 20 ورلڈ کپ کے لیے قومی اسکواڈ میں تبدیلیوں کا امکان ہے۔
اے آر وائی نیوز کے مطابق آسٹریلیا میں 16 اکتوبر سے شروع ہونے والے ٹی 20 ورلڈ کپ کے لیے گزشتہ دنوں قومی ٹیم کا اعلان کیا گیا تھا۔
قومی اسکواڈ میں بابر اعظم (کپتان)، شاداب خان (نائب کپتان)، آصف علی، حیدرعلی، حارث رؤف، افتخار احمد، خوشدل شاہ، محمد حسنین، محمد نواز، محمد رضوان، محمد وسیم جونیر، نسیم شاہ، شاہین شاہ افریدی، شان مسعود اور عثمان قادر شامل ہیں۔
ذرائع کے مطابق دو قومی سلیکٹرز نے مڈل آرڈر تبدیل کرنے کا مشورہ دیا ہے۔
تبدیلی ہورہی ہے ۔۔۔
2 قومی سلیکٹرز نے چیف سلیکٹر اور چیئرمین کرکٹ بورڈ کو مشورہ دیا ہے کہ مڈل آرڈر سے خوشدل شاہ اور آصف کو باہر کرکے شعیب ملک اور حارث سہیل کو ان کیا جائے۔ pic.twitter.com/WGRm9wUmj1
— Shoaib Jatt (@Shoaib_Jatt) September 22, 2022
سلیکٹرز کی جانب سے تجویز دی گئی ہے کہ حارث سہیل اور شعیب ملک کو انگلینڈ کے خلاف موقع دیا جانا چاہیے تھا اگر پرفارم کرگئے تو ورلڈ کپ اسکواڈ میں بھی شامل کیا جاسکتا ہے۔
اس حوالے سے ذرائع کا بتانا ہے کہ سلیکٹرز نے خوشدل شاہ کو بھی اسکواڈ سے باہر کرنے کی تجویز دی ہے۔
