انٹرنیشنل کرکٹ کونسل (آئی سی سی) ٹی 20 ورلڈ کپ کا فائنل معرکہ کل بروز اتوار پاکستان اور انگلینڈ کے مابین کھیلا جائے گا۔
میگا ایونٹ کے فائنل سے قبل دبئی میں میڈیا سے گفتگو کرتے ہوئے راولپنڈی ایکسپریس شعیب اختر نے کہا کہ ورلڈ کپ میں شاداب نے لاجواب کارکردگی دکھائی۔
انہوں نے کہا کہ نوجوان فاسٹ بولر نسیم شاہ اکیلے میچ کا پانسہ پلٹ دینے والے کھلاڑی ہیں۔
Somebody asked a very interesting question about women. This is my response 🙂 pic.twitter.com/EpWI8vq3ss
— Shoaib Akhtar (@shoaib100mph) November 12, 2022
مطابق ٹی 20 ورلڈ کپ فائنل سے پہلے میلبرن میں بادلوں نے انٹری دے دی اور تیز بارش تھم چکی ہے اور اس وقت ہلکی بارش کا سلسلہ جاری ہے۔
آسٹریلوی محکمہ موسمیات کا کہنا ہے کہ اتوار کی صبح بارش ہوگی دوپہر کے بعد بادل چھٹ سکتے ہیں۔
محکمہ موسمیات کا کہنا ہے کہ بارش زیادہ سے زیادہ بیس ملی میٹر ہوسکتی ہے فائنل مقامی وقت کے مطابق شام سات بجے کھیلا جائے گا۔
واضح رہے کہ بارش کی پیشگوئی پر آئی سی سی ایونٹ ٹیکنیکل کمیٹی نے قوانین میں تبدیلی کردی ہے۔
View this post on Instagram
ورلڈ کپ کا فائنل فیصلہ کن بنانے کے لیے پلیئنگ کنڈیشنز میں تبدیلی کی گئی ہے اتوار کو بارش کی صورت میں میچ ادھورا رہ جائے تو میچ اگلے روز یعنی پیر کو مکمل کیا جائے گا۔
مزید پڑھیں: بارش کی پیشگوئی، میچ کے قوانین میں تبدیلی
ریزرو ڈے والے روز یعنی پیر کو بھی میچ کا نتیجہ نہ آنے کی صورت میں کھیل کا اضافی دورانیہ 2 گھنٹوں سے بڑھا کر 4 گھنٹے کر دیا گیا ہے۔
آئی سی سی کا کہنا ہے کہ پوری کوشش ہوگی کہ میچ اتوار کو ہی مکمل ہو جائے بارش کی صورت میں اگلے روز یعنی ریزرو ڈے پر مقابلہ 3 بجے شروع کیا جائے گا۔
ریزرو ڈے میں بھی میچ ممکن نہ ہوسکا تو دونوں ٹیمیں ٹرافی شیئر کریں گی۔