ایڈیلیڈ: ورلڈ کپ کے دوسرے سیمی فائنل میں انگلینڈ کے ہاتھوں شکست کے بعد سوشل میڈیا پر بھارتی کپتان روہت شرما کی نم آنکھوں والی ویڈیو وائرل ہورہی ہے۔
گزشتہ روز کے میچ ٹی ٹوئنٹی ورلڈکپ کے سیمی فائنل میں بھارت کو انگلینڈ کے ہاتھوں 10 وکٹوں سے شکست ہوئی تھی۔
سیمی فائنل میں بھارتی ٹیم کو ایک بھی وکٹ نہ لینے پر شائقین کی جانب سے اپنی ٹیم اور بی سی سی آئی کو شدید تنقید کا نشانہ بنائے جانے کا سلسلہ جاری ہے، ساتھ ہی کپتان کی کارکردگی پر بھی شائقین نے سوال اٹھاتے ہوئے ان پر تنقید کی ہے۔
انگلینڈ سے شکست کے بعد بھارتی کرکٹ ٹیم کے کپتان روہت شرما کی ایک ویڈیو بھی وائرل ہو رہی ہے جس میں انہیں ڈگ آؤٹ میں آنکھوں میں آنسوؤں کے ساتھ دیکھا جا سکتا ہے۔
وائرل ہونے والی ویڈیو میں دیکھا جاسکتا ہے کہ بھارتی ٹیم کے ہیڈ کوچ راہول ڈریوڈ روہت شرما کو حوصلہ دے رہے ہیں۔
— Guess Karo (@KuchNahiUkhada) November 10, 2022
واضح رہے کہ آئی سی سی ٹورنامنٹ کا دوسرا سیمی فائنل آسٹریلیا کے شہر ایڈیلیڈ میں کھیلا گیا جہاں انگلش کپتان جوز بٹلر نے ٹاس جیت کر بھارتی کپتان روہت شرما کو بیٹنگ کی دعوت دی۔
بھارت نے پہلے بیٹنگ کرتے ہوئے مقررہ 20 اوورز میں 168 رنز بنائے اور انگلینڈ کو 169 رنز کا ہدف دیا جسے انگلینڈ نےکپتان جوز بٹلر اور ایلکس ہیلز کی 170 رنز کی شراکت داری کی بدولت با آسانی پورا کرلیا۔
