دبئی: قومی ٹیم کے آل راؤنڈر شعیب ملک کے لیے ٹی ٹوینٹی ورلڈکپ نیک ثابت ہوا۔
قومی ٹیم کے سینئر بلے باز اور اسپینر شعیب ملک کو ٹی ٹوینٹی ورلڈکپ اسکواڈ میں شامل تو نہیں کی گیا تھامگر صہیب مقصود کی انجری کے باعث انہیں ٹیم میں شامل کیا گیا۔
اب تک وہ کوئی خاطر خواہ یا قابل ذکر کارکردگی دکھانے میں تو کامیاب نہیں رہے ہاں مگر دو میچز میں انہوں نے وکٹ روکنے اور دوسرے کھلاڑی کو حوصلہ دے کر جارحانہ انداز اپنانے کا مشورہ دیا، جس کا فائدہ قومی ٹیم کو ہوا۔
مزید پڑھیں: شعیب ملک کی ٹیم میں واپسی، شاہد آفریدی نے خاموشی توڑ دی
یہ ورلڈکپ شعیب ملک کے لیے نیک اس لیے ثابت ہوا کہ چار میچز کے دوران اُن کی مقبولیت میں اضافہ ہوا ہے اور اُن کے ٹویٹر اکاؤنٹ پر فالوررز کی تعداد تیس لاکھ تک پہنچ گئی ہے۔
ٹوئٹر فالوورز میں اضافے کے بعد شعیب ملک بھی سوشل میڈیا پر مقبول ترین قومی کرکٹرز کی فہرست میں شامل ہوگئے ہیں، اس سے قبل عماد وسیم اور بابر اعظم بیس لاکھ فالوررز کے ساتھ سرفہرست تھے۔
یہ بھی پڑھیں: شعیب ملک نے اہم سنگ میل عبور کرلیا
شعیب ملک نے اپنے ٹویٹر اکاؤنٹ سے صرف 226 آئی ڈیز کو فالو کیا ہوا ہے، جس میں ساتھی کرکٹرز ،عزیز و اقارت اور کچھ پاکستانی و عالمی شہرت یافتہ شخصیات ہیں۔
