The news is by your side.

Advertisement

سری لنکا نے ویسٹ انڈیز کو باآسانی قابو کرلیا

ابوظبی: ٹی 20 ورلڈ کپ سپر 12 مرحلے کے میچ میں سری لنکا نے ویسٹ انڈیز کو باآسانی 20 رنز سے شکست دے دی۔

تفصیلات کے مطابق ابوظبی کے شیخ زید اسٹیڈیم میں کھیلے جانے والے میچ میں ویسٹ انڈیز کی ٹیم سری لنکا کی جانب سے دیے جانے والے 190 رنز کے تعاقب میں مقررہ اوورز میں 8 وکٹوں کے نقصان پر 169 رنز بناسکی۔

شمرون ہٹمائر کی نصف سنچری کی ویسٹ انڈیز کو شکست سے نہ بچاسکی، ہٹمائر 81 رنز کے ساتھ ناٹ آؤٹ رہے، نکولسن پورن 46 رنز بنا کر چمیرا کا نشانہ بنے۔

اوپنر کرس گیل ایک رنز بنا کر پویلین لوٹ گئے، ایون لوئس 8 رنز بنا پر چلتے بنے، کیرون پولارڈ کو صفر پر ڈی سلوا نے بولڈ کیا۔

آندرے رسل 2 رنز کے مہمان ثابت ہوئے، جیسن ہولڈر بھی 8 رنز پر ہمت ہار گئے۔

سری لنکا کی جانب سے بنورا فرنینڈو اور کرونا رتنے نے دو، دو وکٹیں حاصل کیں، چمیرا اور دسن شناکا نے ایک، ایک وکٹ حاصل کی۔

اس سے قبل سری لنکا نے پہلے بیٹنگ کرتے ہوئے مقررہ اوورز میں 3 وکٹوں کے نقصان پر 189 رنز بنائے اور ویسٹ انڈیز کو جیت کے لیے 190 رنز کا ہدف دیا تھا۔

چرتھ اسالنکا نے 68 رنز کی شاندار اننگز کھیلی، نسانکا 51 رنز کے ساتھ نمایاں رہے۔

 

View this post on Instagram

 

A post shared by ICC (@icc)

کوشل پریرا 29 رنز بنا کر آندرے رسل کا نشانہ بنے، دسن شناکا 22 رنز کے ساتھ ناٹ آؤٹ رہے، کرونا رتنے نے 6 رنز بنائے۔

ویسٹ انڈیز کی جانب سے آندرے رسل نے دو کھلاڑیوں کو پویلین کی راہ دکھائی، ڈیووین براوو ایک وکٹ حاصل کرسکے۔

 

View this post on Instagram

 

A post shared by ICC (@icc)

واضح رہے کہ گروپ 1 میں سری لنکا 4 میچز میں سے ایک میں کامیابی حاصل کرکے 2 پوائنٹس کے ساتھ چوتھے جبکہ ویسٹ انڈیز 3 میچز میں سے ایک میچ جیت کر 2 پوائنٹس کے ساتھ پانچویں نمبر پر موجود ہے۔

Comments

یہ بھی پڑھیں