The news is by your side.

Advertisement

نابینا افراد کے لیے ٹیبلیٹ کمپیوٹر تیار

واشنگٹن: امریکی کمپنی نے نابینا افراد کے لیے ٹیبلیٹ تیار کرلیا۔ یہ ٹیبلیٹ بریل کی طرز پر بنایا گیا یعنی اس کے بورڈ پر حروف ابھاروں کی صورت میں موجود ہیں۔

نابینا افراد کے لیے خاص طور پر تیار کیا جانے والا یہ ٹیبلیٹ بریل سسٹم کے تحت کام کرتا ہے۔

یہ ٹیبلٹ ایک مخصوص نظام کے ذریعے اپنی اسکرین پر موجود عام تحریر کو بریل کوڈ میں تبدیل کردیتا ہے جو اسکرین سے منسلک بریل بورڈ پر ابھاروں کی شکل میں نمودار ہوجاتی ہے اور نابینا افراد ہاتھ سے چھو کر اسے پڑھ سکتے ہیں۔

tab-1

اسی کی بورڈ کواستعمال کرتے ہوئے نابینا صارفین لکھ بھی سکتے ہیں۔

بریل ٹیبلیٹ کے خالق کا کہنا ہے کہ آج کل جدید ٹیکنالوجی کا دور ہے جس سے ہر شخص مستفید ہورہا ہے۔ ’پھر نابینا افراد کیوں اس سے محروم رہیں‘۔

ان ٹیبلیٹس کی قیمت فی الحال 4 ہزار ڈالر رکھی گئی ہے لیکن کمپنی کا کہنا ہے کہ وہ بہت جلد اس کی قیمت کم کردیں گے۔

Print Friendly, PDF & Email

Comments

comments

یہ بھی پڑھیں