پاکستان تائیکوانڈو فیڈریشن میں اندھیر نگری چوپٹ راج ہے۔
اے آر وائی نیوز کے مطابق سیکریٹری ناجیہ رسول نے اختیارات سے مبینہ تجاوز کرکے ورلڈ جونیئر چیمپئن شپ کے لیے خود ہی کوچ بنا لیا ہے۔
چیمپئن شپ 12 سے 17 اپریل تاشقند میں شیڈول ہے۔
پاکستان کے تین ایتھلیٹ سمیت چھ رکنی دستہ شرکت کرے گا جس کے لیے پاکستان اسپورٹس بورڈ نے این او سی بھی جاری کردیا ہے۔
ناجیہ رسول نے موقف اختیار کیا کہ فیڈریشن سیکرٹری کا کوچ بننا غلط نہیں، فیڈریشن سیکرٹری بننے سے قبل کوچ رہی ہوں، پاکستان اسپورٹس بورڈ نے اس دورے کیلئے ایک روپیہ کی فنڈنگ نہیں کی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں