لاہور : پاکستان کی لبرل اورترقی پسند جماعتوں نے تحفظ نسواں بل کو ختم کرنے کی مذہبی جماعتوں کی کوششوں اور بل کے نفاذ میں تاخیر کی شدید مذمت کی ہے۔
لاہور میں ترقی پسند ملٹی پارٹی کانفرنس میں عوامی ورکز پارٹی کی جانب سے بلائی گئی ملٹی پارٹی کانفرنس میں اے این پی، پختونخواہ ملی عوامی پارٹی ، بی این پی ، جئے سندھ محاذ، سپریم کورٹ و لاہور ہائیکورٹ بار ایسوسی ایشنز سمیت بتیس سیاسی و سماجی جماعتوں کے رہنما شریک ہوئے۔
ملٹی پارٹی کانفرنس کے شرکاء نے سندھ ، بلوچستان کے برعکس پنجاب میں خواتین حقوق بل پرعملدرآمد میں تاخیر کو ہدف تنقید بنایا۔
میاں افتخار حسین صفدر عباسی ترقی پسندی کے حامیوں کا کہنا تھا کہ مذہبی حلقوں کی جانب سے خواتین بل کی مخالفت اور جاگیر دارانہ نظام کی پشت پناہی افسوس ناک ہے۔
ملٹی پارٹی کانفرنس کے شرکاء نے اعادہ کیا کہ خواتین کے حقوق پر اثرانداز ہونے والے ہر قسم کے جبر کے خلاف مزاحمت جاری رکھی جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں