The news is by your side.

Advertisement

اسلام آباد کی صورتحال سے ملک غیر مستحکم ہورہا ہے، طاہر اشرفی

لاہور: پاکستان علما کونسل کے چیئرمین حافظ طاہر محمود اشرفی نے کہا ہے کہ کرپشن اور احتساب سے کسی کو انکار نہیں مگر اسلام آباد میں جو حالات پیدا کیے جارہے ہیں اس کا مقصد ملک کو غیر مستحکم کرنا ہے۔

لاہور میں دفاع حرمین شریفین کانفرنس سے خطاب کرتے ہوئے پاکستان علماء کونسل کے چیئرمین حافظ طاہر محمود اشرفی کا کہنا تھا کہ احتساب اور کرپشن روکنے سے کسی کو انکار نہیں مگر یہ وقت پاکستان کی سلامتی کے لیے مل بیٹھنے کا ہے۔

انہوں نے کہا کہ اسلام آباد میں جو کچھ ہو رہا ہے اس کا مقصد پاکستان کو غیر مستحکم کرنا ہے۔ انہوں نے مکہ مکرمہ پر میزائل حملے کی مذمت کرتے ہوئے کہا کہ حوثی باغیوں نے مکہ مکرمہ پر میزائل حملہ کر کے ہمارے ایمان کو چیلنج کیا ہے۔ انہوں نے اعلان کیا کہ آئندہ جمعہ کو ملک بھر میں یوم احتجاج جبکہ اتوار کو مسجد شہداء میں دفاع حرمین کانفرنس ہوگی۔

مزید پڑھیں: حرمین شریفین کی حفاظت کے لیے تیار ہیں، دفتر خارجہ

یاد رہے کہ پاناما لیکس کی تحقیقات میں سست روی ہونے کے باعث تحریک انصاف نے 2 نومبر کو اسلام آباد بند کرنے کی اعلان کیا ہوا ہے جبکہ حکومت نے جڑواں شہروں میں دفعہ 144 نافذ کی ہوئی ہے جس کی خلاف ورزی کرنے پر تحریک انصاف کے متعدد کارکنان گرفتار ہوچکے ہیں۔

یہ بھی پڑھیں:  مجرم کوبچانے کےلیے سرکاری مشینری کا استعمال کیا جارہا ہے،عمران خان

واضح رہے حوثی باغیوں کی جانب سے 27 اکتوبر کو یمن کے صوبے سادا سے مکہ المکرمہ کی طرف میزائل فائر کیا تھا تاہم  سعودی حکام نے بروقت کارروائی کرتے ہوئے نشانے سے 65 کلومیٹر دور بغیر کسی نقصان کے اس میزائل کو مار گرایا تھا۔

Comments

comments

یہ بھی پڑھیں