The news is by your side.

Advertisement

وزیراعلی کے انتخاب میں سرپرائز دیں گے، طاہر بشیرچیمہ

لاہور : جنوبی پنجاب ایگزیکٹیو کونسل کے چیئرمین طاہر بشیر چیمہ کا کہنا ہے کہ وزیراعلی کے انتخاب میں سرپرائز دیں گے۔

تفصیلات کے مطابق جنوبی پنجاب محاذ کے خالق اور جوڑتوڑ کے ماہر طاہر بشیرچیمہ بھی پرویزالہی کی حمایت میں نکل آئے اور پرویز الہی سے ملاقات کے بعد طاہر بشیرچیمہ نےایم پی ایز سے رابطے شروع کردیے۔

جنوبی پنجاب ایگزیکٹیو کونسل کے چیئرمین طاہر بشیر چیمہ نے اے آروائی نیوز سے خصوصی انٹرویو میں کہا کہ ہمارا خاندان کافی عرصے سے سیاست میں ہے اور ارکان اسمبلی سے ذاتی تعلقات بن چکے ہیں۔

طاہر بشیر چیمہ کا کہنا تھا کہ وزیراعظم کے معاملے میں مس مینجمنٹ ہوئی جس سے صورتحال خراب ہوئی اور میری توجہ ذیادہ صوبائی حکومت کی طرف رہی۔

انھوں نے مزید کہا چوہدری پرویزالہی سے بھی خاندانی تعلق ہے، وزیراعلی کے انتخاب میں سرپرائز دیں گے، تحریک انصاف کے 7 سے 8 ایم پی ایز سے زیادہ ناراض نہیں، انہیں بھی منالیں گے تاہم نون لیگ کے 14 ایم پی ایز پرویزالہی کو ووٹ دیں گے۔

جنوبی پنجاب ایگزیکٹیو کونسل کے چیئرمین کا کہنا تھا کہ طارق بشیرچیمہ شاید اپوزیشن کے ساتھ بات چیت پردوسرا فیصلہ کرنا چاہتے تھے، وہ تجربہ کارسیاستدان ہیں، وہ پرویزالہی کے ساتھ ہی رہیں گے۔

طاہربشیرچیمہ نے کہا کہ ترین گروپ کامطالبہ مائنس بزدارتھا تو اب ان سے بات چیت چل رہی ہے، نون لیگ کے ایک ایم پی اے نے تویہ بھی کہا کہ وہ پرویزالہی کے لیے قربانی دینے کو تیار ہیں۔

Comments

یہ بھی پڑھیں