The news is by your side.

Advertisement

طاہر القادری نےسی ای سی کا اجلاس طلب کر لیا

لندن : علامہ طاہرالقادری نے کہا ہے کہ تحریک انصاف کے دھرنے میں شرکت کرنے کے حوالے سے مشاورت کے لیے کل بلائے گئے سی ای سی کے اجلاس میں اہم فیصلے کریں گے۔

تفصیلات کے مطابق علامہ طاہر القادری ہیتھرو ایئر پورٹ پر میڈیا سے گفتگو کر رہے تھے،انہوں نے کہا کہ تحریک انصاف کے چیرمین عمران خان نے فون کر کے دھرنے میں شرکت کی دعوت دی تھی جسے ابتدائی طور پر قبول کر لیا ہے اور کل سینٹرل ایگزیکیوٹیوکمیٹی کے اجلاس میں مزید مشاورت کی جائے گی۔

یہ پڑھیے : طاہرالقادری نے اسلام آباد دھرنے میں شرکت کی دعوت قبول کرلی

صحافیوں سے گفتگو کر تے ہوئے انہوں نے کہا کہ تحریک انصاف نے اسلام آباد کو لاک ڈاؤن کرنے کا فیصلہ کیا ہے تا ہم پاکستان عوامی تحریک ناک ڈاؤن کے حق میں ہے۔

ایک سوال کے جواب میں سربراہ پاکستان عوامی تحریک کا کہنا تھا کہ تحریک انصاف سے گلے شکوے دور ہو گئے ہیں،ایک عظیم مقصد کے حصول کئے لیے چھوٹی چھوٹی باتوں کو نظر انداز کرنا پڑتا ہے۔

یہ بھی پڑھیں : پارلیمنٹ حملہ کیس:عمران خان اورطاہرالقادری کےوارنٹ گرفتاری برقرار

پی ٹی وی حملہ کیس میں طاہر القادری کو طلب کیے جانے کے حوالے سے پوچھے گئے سوال کے جواب میں انہوں نے کہا کہ پاکستان عوامی تحریک کے کارکنان کسی غیر قانونی عمل میں شامل نہیں ہیں،سازشی عناصر نے جرائم پیشہ افراد کو ہماری جماعت سے منسوب ٹی شرٹ پہنا کر پی ٹی وی پر حملہ کرایا۔

طاہر القادری کا مزید کہنا تھا کی قانون پسند شہری ہی نہیں میں قانون کا طالب علم بھی ہوں اور معززعدالت کا احترام کرتے ہوئے ہم اپنے اوپر لگنے والے تمام الزامات کا سامنا کریں گے۔

 

Comments

comments

یہ بھی پڑھیں