لاہور : پاکستان عوامی تحریک کے سربراہ ڈاکٹر طاہرالقادری کا آج ڈنمارک کے نجی ہسپتال میں آپریشن ہو گا۔
ترجمان پاکستان عوامی تحریک کے مطابق پاکستان عوامی تحریک کے سربراہ ایک ہفتہ سے ڈنمارک میں زیرعلاج ہیں۔ دورہ آسٹریا کے دوران ڈاکٹر طاہرالقادری کو بیک بون میں تکلیف ہوئی تھی۔
ڈاکٹرز نے انہیں سفر اور تنظیمی مصروفیات سے روک رکھا ہے، کارکن ان کی صحتیابی کیلئے دعا کریں۔ واضح رہے کہ اس سے قبل بھی پی اے ٹی کے سربراہ ڈاکٹر طاہرالقادری کی گزشتہ سال اسلام آباد میں دھرنے کے دوران اچانک طبیعت خراب ہو گئی تھی۔
ڈاکٹروں نے طاہر القادری کو ملک سے باہر جا کر فوری علاج کروانے کا مشورہ دیا تھا،جس کی وجہ سے انہیں ہنگامی طور پرعلاج کیلئے بیرون ملک روانہ کیا گیا تھا۔
