The news is by your side.

Advertisement

کرپشن کا گاڈ فادر اپنے انجام کو پہنچ گیا، طاہر القادری

اسلام آباد: پاکستان عوامی تحریک کے سربراہ طاہر القادری نے نواز شریف کو دس سال قید کی سزا پر ردعمل دیتے ہوئے کہا ہے کہ کرپشن کا گاڈفادرانجام کوپہنچ گیا، سرکس کےشیرکوفیصلےکاعلم تھا اس لیےبھاگ گیا۔

تفصیلات کے مطابق نیب کی جانب سے ایون فیلڈ ریفرنس کا فیصلہ سامنے آنے کے بعد پاکستان عوامی تحریک کے سربراہ کا کہنا تھا کہ اس طرح کی سزائیں اچھی روایت ہے مگر اصل چیلنج غریب پاکستانیوں کی لوٹی دولت ملک واپس لانا ہے۔

طاہرالقادری کا کہنا تھا کہ نوازشریف کی کرپشن پرجوکہا اس پرعدالت کی مہرلگ گئی، جسے28سال پہلےجیل میں ہوناچاہیےتھاوہ وزیراعظم بنارہا۔

اُن کا کہنا تھا کہ فیصلہ آئین وقانون کی بالادستی کی طرف اہم پیشرفت ہے، جج اورنیب پراسیکیوٹرزمبارکبادکے مستحق ہیں۔

واضح رہے کہ احتساب عدالت کے جج محمد بشیر نے ایون فیلڈ ریفرنس کا فیصلہ سناتے ہوئے نوازشریف کو دس سال قید جبکہ مریم نواز کو سات سال کے ساتھ کیپٹن صفدر کو بھی ایک سال قیدکی سزا سنائی۔

نیب نے فیصلےمیں مزید لکھا کہنواز شریف کو آٹھ ملین پاؤنڈ جرمانہ جبکہ مریم نواز کو دو ملین پاؤنڈ جرمانے کا حکم سنایا ہے، ایون فیلڈز فلیٹ  کی قرقی کا بھی حکم صادر کیا گیا ہے۔

عدالت نے مانسہرہ میں موجود نوازشریف کے داماد کپٹن (ر) صفدر کو فوری حراست میں لے کر جیل منتقل کرنے کا حکم جاری کی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں