حکمران بہت جلد جیلوں‌ میں‌ ہوں‌ گے: علامہ طاہر القادری -
The news is by your side.

Advertisement

حکمران بہت جلد جیلوں‌ میں‌ ہوں‌ گے: علامہ طاہر القادری

لاہور: جلد حکمرانوں کا مواخذہ ہوگا، موجودہ حکمران جیلوں میں جائیں گے، جھوٹ اورمہلت کے دن ختم ہوگئے ہیں، ان خیالات کا اظہار پاکستان عوامی تحریک کے سربراہ علامہ طاہر القادری نے کیا۔

طاہر القادری کا کہنا تھا کہ پاکستان کی پوری قوم حکمرانوں کااحتساب کرے گی، وہ دن دور نہیں، جب حکمران جیلوں میں ہوں گے۔

تفصیلات کے مطابق انھوں نے اپنی پریس کانفرنس میں میاں نواز شریف پر کڑی تنقید کرتے ہوئے کہا کہ فیصلہ حق میں آئے تو نوازشریف خاموش رہتے ہیں،خلاف آئے تو عدل کی بات شروع کردیتے ہیں، انھیں عدل کی بات کرتے ہوئے ماضی کودیکھنا چاہیے۔

 یہ بھی پڑھیں: پنجاب حکومت گرا دیں گے، طاہر القادری

انھوں نے سوال کیا کہ سانحہ ماڈل ٹاؤن کےمتاثرین کے ساتھ عدل کیوں نہیں کیا گیا، وہاں خونیں کھیل کھیلا گیا، اس وقت نوازشریف اقتدار میں تھے، مگر انھوں نے سانحہ ماڈل ٹاؤن کی مذمت تک نہیں کی۔

یاد رہےچند روز قبل طاہر القادری نے عوامی احتجاج کا اعلان کرتے ہوئے دعویٰ کیا تھا کہ سیاسی حریف عمران خان اور آصف علی زرداری بھی اس تحریک میں ان کے ساتھ شامل ہوں گے اور وہ انھیں اپنے دائیں بائیں بٹھا کر دکھائیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں