The news is by your side.

Advertisement

خواہش ہے عمران خان وفاق، کے پی کے ساتھ پنجاب میں بھی حکومت بنائیں، طاہر القادری

لاہور: پاکستان عوامی تحریک کے سربراہ ڈاکٹر طاہر القادری نے کہا ہے کہ خواہش ہے کہ عمران خان وفاق، کے پی کے ساتھ پنجاب میں بھی حکومت بنائیں۔

تفصیلات کے مطابق پاکستان عوامی تحریک کے سربراہ ڈاکٹر طاہر القادری نے کہا ہے کہ عمران خان اور ان کی جماعت کو شاندار کامیابی پر مبارکباد دیتا ہوں، تاریخ کے کرپٹ ترین ٹولے کی شکست پر قوم مبارکباد کی مستحق ہے۔

طاہر القادری نے کہا ہے کہ شہداء ماڈل ٹاؤن کو انصاف کی ذمہ داری عمران خان کے کندھوں پر ہے، نواز، شہباز شریف انتخابی نتائج قبول کرکے ووٹ کو عزت دیں، دعا ہے نظام بدلے، تبدیلی کے ثمرات غریب آدمی تک پہنچیں۔

دوسری جانب پی ٹی آئی نے مرکز، کے پی اور پنجاب میں حکومتیں بنانے کا فیصلہ کیا ہے، شاہ محمود قریشی کو ہم خیال جماعتوں سے رابطوں کا ہدف دے دیا گیا ہے، شیخ رشید کی جانب سے بھی پنجاب میں رابطوں کی پیش کش کی گئی جسے عمران خان نے قبول کرتے ہوئے گرین سگنل دے دیا ہے، شاہ محمود قریشی اور شیخ رشید آزاد امیدواروں سے رابطہ کریں گے۔

واضح رہے کہ سربراہ پاکستان عوامی تحریک ڈاکٹر طاہر القادری کا نواز شریف کو سزا ملنے پر کہنا تھا کہ کرپشن کا گاڈ فادر انجام کو پہنچ گیا ہے۔

ان کا کہنا تھا کہ نوازشریف کی کرپشن پرجوکہا اس پرعدالت کی مہرلگ گئی، جسے28سال پہلےجیل میں ہوناچاہیےتھاوہ وزیراعظم بنارہا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں