The news is by your side.

Advertisement

نوازشریف ختم نبوت کے قانون میں تبدیلی کی سزا ضرور بھگتیں گے، طاہرالقادری

لاہور : سربراہ پاکستان عوامی تحریک طاہر القادری نے کہا ہے کہ نواز شریف ختم نبوت سے متعلق شق میں تبدیلی کی کوشش کی سزا ضرور بھگتیں گے اور ان کا بدترین انجام عن قریب پوری قوم دیکھے گی.

وہ ماڈل ٹاؤن میں واقع اپنے دفتر میں مرکزی رہنماؤں سے ٹیلی فونک گفتگو کر رہے تھے انہوں نے کہا کہ پاناما کیس کے ملزمان کہہ رہے ہیں انہوں نے والیم 10 پڑھ رکھا ہے جب کہ دوسری طرف ماڈل ٹاؤن کے مظلوم 3 سال سے باقر نجفی رپورٹ مانگ رہے ہیں لیکن حکومت ٹس سے مس نہیں ہو رہی ہے.

طاہرالقادری نے کہا میں پوچھتا ہوں کہ ایک طرف پاناما پیپرز کے مرتکب مجرموں کے لیے نرم گوشہ رکھنے والے ماڈل ٹاؤن کے مظلوموں کے معاملے پر سخت دل کیوں ہوجاتے ہیں ؟ بارہا مطالبات کرنے کے باوجود باقر نجفی رپورٹ کو شائع نہیں کیا جا رہا ہے اور یہاں تک کہ شہداء کے لواحقین اور ورثاء کے وکلاء تک کو رسائی نہیں دی جائے گی.

علامہ طاہر القادری نے کہا کہ نواز شریف پر کرپشن کے الزامات ثابت ہو چکے ہیں جس کی بنیاد پر ہی انہیں نااہل کیا گیا ہے اور ختم نبوت کی شق میں تبدیلی کرنے کی کوشش کر کے انہوں نے اپنے منطقی انجام کو اور قریب کرلیا ہے اور یہ ایسا عبرت ناک انجام ہوگا جسے پوری دنیا دیکھے گی.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں