تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

تائیوان: نوجوان نے نیند میں ہیڈ فون نگل لیا

تائی پے: تائیوان میں ایک نوجوان نے سوتے ہوئے وائرلیس ہیڈ فون نگل لیا.

تفصیلات کے مطابق تائیوان میں ایک انوکھا واقعہ پیش آیا، بین ہسو نامی ایک نوجوان کا ہیڈ فون اس کے معدے میں پہنچ گیا.

نوجوان دوپہر قیلولے کے بعد اٹھا، تو اسے احساس ہوا کہ  اس کا وائر لیس ہیڈ فون غائب ہے. کمرے میں اچھی طرح تلاشی لینے کے باوجود اسے ہیڈ فون نہیں‌ ملا، تو اس نے فیصلہ کیا کہ ڈیوائس کو آئی فون پر ٹریک کیا جائے، جس کے لیے اس نے پلے ساﺅنڈ آپشن کو کلک کیا۔

نوجوان اس وقت حیرت زدہ رہ گیا، جب گمشدہ ائیر پوڈ اس کے پیٹ کے اندر سے بیپ کرنے لگا۔ بین ہسونے فوری طور پر اسپتال جانے کا فیصلہ کیا، جہاں ایکسرے سے معلوم ہوا کہ ائیرپوڈ معدے میں موجود ہے، البتہ اسے کسی قسم کی تکلیف کا سامنا نہیں تھا۔

ڈاکٹروں کا کہنا تھا کہ ائیرپوڈ کے ارگرد پلاسٹک شیل ہوتا ہے، جس سے جسم کو وہی خطرہ لاحق ہوسکتا ہے، جو کسی بیٹری کو نگلنے پر ہوسکتا ہے۔

مزید پڑھیں: دوران پرواز ہیڈ فون کی بیٹری پھٹنے سے خاتون زخمی

ڈاکٹروں نے نوجوان کو جلاب دیا، جس سے ڈیوائس جسم سے باہر نکل آئی،حیرت انگیز طور پر پر ہیڈ فون اب بھی کام کر رہا تھا، بس اس کی بیٹری کچھ کم ہوگئی تھی.

بین ہسو نے اس واقعے کو حیرت انگیز قرار دیا، اس کے بہ قول وہ ایپل کی پراڈکٹ استعمال کرتا ہے اور اس واقعہ نے ثابت کیا کہ ایپل جیسی پائیدار پراڈکٹ ہر کوئی نہیں بنا سکتا.

Comments

- Advertisement -