The news is by your side.

Advertisement

تاجک صدر کی وزیراعظم عمران خان کو ایس سی او سمٹ میں شرکت کی دعوت

اسلام آباد: تاجکستان کے صدر امام علی رحمان نے وزیراعظم عمران خان کوایس سی او سمٹ میں شرکت کی دعوت دیتے ہوئے کہا پاکستان کے ساتھ ​تجارت سمیت مختلف شعبوں میں تعاون کے خواہاں ہیں۔

تفصیلات کے مطابق تاجکستان کےصدر امام علی رحمان نے وزیراعظم عمران خان کے ہمراہ پریس کانفرنس کرتے ہوئے کہا وزیراعظم پاکستان اورعوام کا دورےکی دعوت پر شکریہ ادا کرتا ہوں، دوطرفہ مذاکرات میں مختلف شعبوں میں بات چیت خوش آئند رہی۔

تاجک صدر کا کہنا تھا کہ کوروناصورتحال بہترہونے پر تاجکستان،پاکستان توانائی سیکٹر پرمشترکہ کام کریں گے ، تاجکستان پاکستان کو اہم برادرملک سمجھتا ہے، تجارت سمیت مختلف شعبوں میں تعاون کے خواہاں ہیں۔

امام علی رحمان نے کہا کہ خطے میں امن وامان کیلئے پاکستان کی کوششوں کو سراہتے ہیں اور تاجکستان،پاکستان کے دوطرفہ تعلقات میں مزید اضافہ چاہتے ہیں، ٹیکنالوجی، دفاع ، تعلیم سمیت دیگر شعبوں میں تعاون جاری رکھیں گے۔

تاجکستان کے صدر نے وزیراعظم عمران خان کوایس سی او سمٹ میں شرکت کی دعوت دیتے ہوئے کہا تاجکستان میں ایس سی اوسمٹ ستمبر میں ہورہی ہے۔

Comments

یہ بھی پڑھیں