دعا کریں ریحام خان کی زبان اورگلالئی کابلیک بیری بندرہے،طلال چوہدریtalal
The news is by your side.

Advertisement

دعا کریں ریحام خان کی زبان اورگلالئی کابلیک بیری بندرہے،طلال چوہدری

اسلام آباد : مسلم لیگ ن کے رہنما طلال چوہدری کا کہنا ہے کہ دعا کریں ریحام خان کی زبان اور گلالئی کا بلیک بیری بند رہے، جہانگیرترین وائٹ کرائم کے اسپیشلسٹ ہیں۔

تفصیلات کے مطابق سپریم کورٹ کے باہر مسلم لیگ ن کے رہنما طلال چوہدری نے میڈیا سے گفتگو کرتے ہوئے کہا کہ عمران خان کی معاشی کرپشن کی بات ہورہی ہے، عمران خان کی اخلاقی کرپشن کی تو ابھی بات ہی نہیں کی، عمران خان یورپ کی مثالیں دیتےہیں، دعا کریں ریحام خان کی زبان اور گلالئی کابلیک بیری بند رہے۔

رہنمامسلم لیگ ن کا کہنا تھا کہ لیکچرار کیسے 12ایکڑ کا گھر بنا سکتا ہے، جہانگیرترین کے ملازم ان سے بھی زیادہ امیرہیں، جہانگیرترین کے کیس میں لگتا ہے ان کے ملازمین نے مالک رکھا ہے، جہانگیر ترین پڑھے لکھے جعلساز ہیں،وائٹ کرائم کےاسپیشلسٹ ہیں۔

انھوں نے کہا کہ جہانگیر ترین نے وائٹ کرائم کرکے بھائیوں کی جائیداد پر قبضہ کیا، جہانگیرترین کی پاکستان میں 18ہزارایکڑ زمین ہے جبکہ انھوں نے یو کے میں 12 ایکڑ پر اپنا گھر بنا، 15 ہزار تنخواہ چھپائیں تو سزا 12ایکڑ چھپائیں تو جانے دیں۔


مزید پڑھیں : ہم قوم کو عمران ،مشرف اور نوازشریف میں فرق دکھانا چاہتے ہیں ،طلال چوہدری


طلال چوہدری نے سوال کیا کہ جہانگیرترین کے وکیل کہتے ہیں ہماری آف شور اور تحفے حلال ہیں، شریف خاندان تحائف کا تبادلہ کرے تو وہ حرام ہے؟

مسلم لیگ ن کے رہنما نے کہا کہ دیکھناہے مشرف کا ساتھی آج بھی گرفت میں آئے گا یا نہیں، دیکھنا ہےعدالتی نظام اتنا مضبوط ہے کہ جہانگیر ترین کو سزا ہوگی، زبان اور مؤقف میں جوسختی آئی ہے، اس کی کیا وجہ ہے، عہدہ چھین لیں اورگند اچھالیں تواسکی زبان میں تلخی آئے گی۔

انکا مزید کہنا تھا کہ نوازشریف نے ناانصافیاں سہیں اور اپنی زبان بھی بند رکھی، ضرورمشورہ دیں زبان میں تلخی نہ کریں شیریں باتیں کریں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

Comments

comments

یہ بھی پڑھیں