The news is by your side.

Advertisement

نوازشریف خلائی مخلوق کے خلاف لڑ رہے ہیں، ہم بلٹ کا جواب بیلٹ سے دیں گے، طلال چوہدری

اسلام آباد : وزیر مملکت برائے داخلہ طلال چوہدری کا کہنا ہے کہ مذہبی جنونیت کا خاتمہ کریں گے ہم نے کسی پرالزام نہیں لگایا ، نوازشریف خلائی مخلوق کے خلاف لڑ رہے ہیں، ہم بلٹ کا جواب بیلٹ سے دیں گے۔

تفصیلات کے مطابق وزیر مملکت برائے داخلہ طلال چوہدری نے میڈیا سے گفتگو کرتے ہوئے کہا کہ ن لیگ کوتوڑتےتوڑتےہم نےملک کا کیا حشر کرنا ہے،
کہا تھا ایسا کھیل نہ کھیلیں ن لیگ کے بجائے ملک کونقصان ہو۔

طلال چوہدری کا کہنا تھا کہ این اے 120 میں انتخابی مہم سب نے دیکھی تھی، ایساکبھی نہیں ہوااللہ کے گھرکو انتخابی مہم کیلئے استعمال کیا جائے۔

ایساکبھی نہیں ہوااللہ کے گھرکو انتخابی مہم کیلئے استعمال کیا جائے

طلال چوہدری مسلم لیگ ن

احسن اقبال پر حملے کے حوالے سے انھوں نے کہا کل وزیرداخلہ پرحملہ ہوااس کاعالمی سطح پرکیاامیج گیاہوگا، احسن اقبال پر حملےکا واقعہ ان ہی لوگوں پر ہاتھ رکھنے کا نتیجہ ہے، کچھ لوگوں کا پلان فیل ہوا ہے، پاکستان کو فیل نہیں ہونے دیں گے۔

ان کا کہنا تھا کہجس ملک کاوزیراعظم اوروزیرخارجہ بےمعنی بات پر نااہل کردیا جائے اور جس ملک کاوزیرداخلہ زخمی ہو اس ملک کےمستقبل پرسوال تو اٹھتےہیں، پاکستان کےعوام،سیاسی جماعتوں اورخلائی مخلوق کو سوچنا چاہیے، وزیراعظم اور وزیر خارجہ کو نااہل کیا گیا،کوئی کرپشن نہیں ہے۔

وزیر مملکت برائے داخلہ نے کہا کہ اس ملک میں توآئین توڑےگئےان پرکسی نےہاتھ نہیں ڈالا، ایسے لوگوں کونااہل کیا گیا جس پرکوئی الزام نہیں ہے، اس قسم کے فیصلوں سے پاکستان پیچھے جارہا ہے، نوازشریف ایسے ہی خلائی مخلوق کیخلاف کھڑے ہوئے ہیں، ہم بلٹ کا جواب بیلٹ سے دیں گے۔

پاکستان میں انتہا پسندی نہیں ہونے دیں گے اور مذہبی جنونیت کاخاتمہ کریں گے

طلال چوہدری مسلم لیگ ن

طلال چوہدری کا کہنا تھا کہ مذہبی جنونیت کے نام پرسیاسی ہیرو  بننے والوں کو عوام مستردکریں گے، الیکشن میں تاخیرکسی صورت قبول نہیں کریں گے، پاکستان میں انتہا پسندی نہیں ہونے دیں گے، سیاسی عمل چلنا چاہیے،کٹھ پتلی وزیراعظم نہیں پیدا کرنا چاہئیں۔

ایم کیو ایم پر تنقید کرتے ہوئے انھوں نے کہا کہ جماعت اسلامی اورپیپلزپارٹی کیخلاف ایم کیو  ایم بنائی گئی، ایم کیوایم نے بھارت میں پاکستان توڑنے کی بات کی، اس قسم کی جماعتیں نہیں بنانی چاہئیں ملک کو نقصان ہوگا، ایسے لوگوں پر نہ ہاتھ رکھنا چاہیے نہ دودھ پلانا چاہیے۔

وزیر مملکت کا مزید کہنا تھا کہ مذہبی جنونیت کاخاتمہ کریں گے، ہم نے کسی پر الزام نہیں لگایا، کسی پرالزام نہیں لگا رہے کارکنوں کو پرامن رہنے کا کہاہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں