The news is by your side.

ہمیں نوازشریف کو بحال کرانا ہے اور کراکر دکھائیں گے ، طلال چوہدری

اسلام آباد : وزیرمملکت برائے داخلہ طلال چوہدری کا کہنا ہے کہ لودھراں کے نامعلوم شیر نے عمران خان کے جہاز کو غرق کردیا، ہمیں نوازشریف کو بحال کرانا ہے اور کراکر دکھائیں گے۔

تفصیلات کے مطابق وزیرمملکت برائے داخلہ طلال چوہدری نے میڈیا سے گفتگو کرتے ہوئے کہا کہ اہل یا نااہل کرنے کا فیصلہ عوام کرتے ہیں، لودھراں کے نامعلوم شیر نے عمران خان کے جہاز کو غرق کردیا۔

طلال چوہدری کا کہنا تھا کہ 2018 کا الیکشن ریفرنڈم کے طور پر لڑنے جارہے ہیں، ہمیں نوازشریف کو بحال کرانا ہے اور کراکر دکھائیں گے، آئندہ انتخابات میں ن لیگ بھرپور کامیابی حاصل کرے گی۔

ن لیگی رہنما نے کہا کہ شہبازشریف،نوازشریف ،حمزہ شہباز اورمریم نواز ایک اسٹیج پر تھے، شریف فیملی کو ایک اسٹیج پر دیکھ کر مخالفین کی امیدوں پر پانی پھرگیا ، مخالفین پریشان ہوں گے کہ کہاں گئے وہ اختلافات ، ہم روزانہ ایک دوسرےکا ریکارڈ توڑتے ہیں۔

انکا کہنا تھا کہ ہمارا کسی اور سے نہیں بلکہ اپنے ہی جلسوں سے مقابلہ ہے، ہم نے کبھی کسی ادارے کے خلاف آواز نہیں اٹھائی۔


مزید پڑھیں : ناانصافیوں کی وجہ سے لہجوں میں تلخی آئی‘ طلال چوہدری


یاد رہے کہ طلال چوہدری کا کہنا تھا کہ نوازشریف پہلے پیچھے ہٹے تھے نہ اب پیچھے ہٹیں گے، تلخیاں بڑھیں تونواز شریف کےلہجےمیں سختی آئی، نا انصافی ختم ہوئی توتلخی اورسختی بھی ختم ہوجائے گی۔

وزیرمملکت برائے داخلہ کا کہنا تھا  کہ شفاف ٹرائل نوازشریف کا حق ہے جبکہ نوازشریف سے ڈیل کا ایک ہی اصول ہےادارے آئین کے مطابق چلیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں