The news is by your side.

Advertisement

کرونا وائرس کی ویکسین کا تجربہ کامیاب، اطالوی محققین کا دعویٰ

دبئی: اطالوی محققین نے دعویٰ کیا ہے کہ انہوں نے کرونا وائرس کی ویکسین بنا لی ہے جو انسانوں پر کام کرتی ہے۔

تفصیلات کے مطابق اطالوی محققین کی جانب سے دعویٰ کیا گیا ہے کہ انہوں نے دنیا کی پہلی کرونا ویکسین بنا لی ہے۔روم کے اسپتال میں کیے گئے ٹیسٹوں کے مطابق چوہوں پر استعمال کی جانے والی کرونا ویکسین انسانی خلیوں پر کام کرتی ہے۔

روم کے لازارو اسپالن زنی انسٹی ٹیوٹ کے محققین نے بتایا کہ اس ویکسین نے انسانی خلیوں میں کرونا وائرس کو ختم کر دیا ہے۔تاکس کمپنی کے ذریعے کرونا ویکسین تیار کی گئی ہے جو انسانی جسم کے اندر اینٹی باڈیز پیدا کرتی ہیں۔

اطالوی دوا ساز کمپنی کے سی ای او لوئیگی اوریسیچو کا کہنا تھا کہ دنیا میں پہلی بار دیکھا گیا کہ کسی امیدوار کی ویکسین نے انسانی خلیوں میں وائرس کو بے اثر کر دیا ہے۔

انہوں نے دعویٰ کیا کہ اٹلی میں بنائی گئی ویکسین کی جانچ کا جدید ترین مرحلہ ہے اور اس موسم گرما کے بعد اس ویکسین کی انسانوں پر آزمائش متوقع ہے۔

واضح رہے کہ دنیا بھر میں کرونا وائرس سے متاثرہ افراد کی تعداد 35 لاکھ سے تجاوز کر گئی ہے جبکہ اموات کی تعداد بھی 2 لاکھ 48 ہزار سے زیادہ ہو گئی ہے۔

Comments

یہ بھی پڑھیں