طالبان نے حاجی محمد ادریس کو افغانستان کے مرکزی بینک کا قائم مقام گورنر مقرر کر دیا۔
ترجمان طالبان ذبیح اللہ مجاہد نے ٹوئٹ میں بتایا کہ حاجی محمد ادریس کو امارت اسلامیہ کی قیادت نے سرکاری اداروں اور بینکنگ کے معاملات کو منظم کرنے اور لوگوں کے مسائل کے حل کے لیے افغانستان بینک کا قائم مقام گورنر مقرر کیا ہے۔
#تازه:
د دولتي اداراتو او بانکي مسائلو د تنظیم او د خلکو مشکلاتو ته د رسیدګۍ په هدف د اسلامي امارت مشرتابه لخوا محترم حاجي محمد ادریس د افغانستان بانک سرپرست لوی رئیس په توګه و ټاکل شو.— Zabihullah (..ذبـــــیح الله م ) (@Zabehulah_M33) August 23, 2021
واضح رہے کہ افغانستان میں طالبان تقریباً کابل سمیت ملک کے تمام حصوں پر قبضہ کرچکے ہیں اور اس وقت ملا عبدالغنی برادر سمیت ان کی اعلیٰ قیادت افغان دارالحکومت میں موجود ہے اور ملک میں حکومت بنانے کے حوالے سے غور و فکر کررہی ہے۔
غیریقینی کی صورتحال کے پیش نظر یورپی یونین، ایشیائی ترقیاتی بینک، اقوام متحدہ سمیت دیگر عالمی و بین الاقوامی اداروں نے کام بند کر کے اپنے عملے کے بحفاظت انخلا کے لیے اقدامات شروع کر دیے ہیں۔
اقوام متحدہ کے سیکرٹری جنرل انتونیو گوتریس کے ترجمان کا مزید کہنا تھا کہ افغانستان میں غیر یقینی صورت حال کے باعث اقوام متحدہ اپنے ہزاروں اہلکاروں اور شراکت داروں کی حفاظت کے ساتھ ساتھ لاکھوں افغانوں کو اہم انسانی اور دیگر امداد کی فراہمی پر توجہ مرکوز کئے ہوئے ہے۔
