The news is by your side.

Advertisement

افغانستان: طالبان کا حملہ، 11 پولیس اہلکار جاں بحق، 2 زخمی

کابل: افغان صوبے ہرات میں طالبان عسکریت پسندوں نے سکیورٹی چیک پوسٹ پر حملہ کر دیا جس کے نتیجے میں گیارہ پولیس اہلکار جاں بحق اور دو شدید زخمی ہوگئے۔

تفصیلات کے مطابق صوبہ ہرات کے ضلعے شنڈنڈ میں قائم سکیورٹی چیک پوسٹ پر گھات لگائے شدت پسندوں نے پولیس اہلکاروں پر حملہ کر دیا جس سے 11 اہلکار ہلاک اور دو زخمی ہوگئے بعد ازاں عسکریت پسندوں نے پولیس کے زیر استعمال گاڑیاں اور بڑی تعداد میں اسلحہ بھی اپنے ساتھ لے گئے۔

پولیس حکام کا کہنا ہے کہ شدت پسندوں کی جانب سے سکیورٹی چیک پوسٹ پر حملہ کیا گیا، تاہم پولیس نے بھی بھرپور جوابی کارروائی کی جس سے طالبان اور قانون نافذ کرنے والے اداروں کے درمیان دو گھنٹے تک جھڑپیں جاری رہیں۔

افغانستان: طالبان کا حملہ، گورنر سمیت درجنوں جاں بحق، علاقے پر قبضہ

واقعے سے متعلق ضلعی گورنر شکر اللہ شاکر کا کہنا تھا کہ طالبان نے بزدلانہ کارروائی کی اور جس مقام پر سکیورٹی چیک پوسٹ پر حملہ کیا گیا وہ ضلعی مرکز سے آٹھ کلومیٹر کے فاصلے پر قائم تھی، تاہم واقعے کے بعد صورت حال کا جائزہ لے رہے ہیں۔

خیال رہے کہ طالبان کے زیر اثر افغانستان کے مختلف علاقوں میں ان دونوں دہشت گردی کے واقعات میں اضافہ ہوا ہے جس کے بعد مقامی پولیس اور افغان فورسز کی پیشہ ورانہ خدمات پر سوالیہ نشان اٹھ رہا ہے۔

پکتیا اور غزنی میں خود کش دھماکے،افغانستان پولیس چیف سمیت 74 افراد جاں بحق

یاد رہے کہ گذشتہ دنوں طالبان کی جانب سے افغان صوبے غزنی پر حملہ کیا گیا تھا جس کے نتیجے میں ضلعی گورنر سمیت درجنوں افراد جاں بحق ہوئے بعد ازاں طالبان نے علاقے پر قبضہ بھی کر لیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں