بدخشاں: طالبان نے افغانستان کے صوبے بدخشاں سے نکلنے والے ایک قیمتی پتھر کی بھاری مقدار پکڑ لی۔
تفصیلات کے مطابق طالبان اہل کاروں نے فیروزے سے زیادہ قیمتی نیلے رنگ کے جوہر دار پتھر لاجورد کی بھاری مقدار میں اسمگلنگ کی کوشش ناکام بنا دی ہے۔
صوبہ بدخشاں میں قیمتی پتھروں کے اسمگلرز کے خلاف یہ کارروائی خفیہ اطلاع پر کی گئی ہے، طالبان کے ہاتھوں تین اسمگلرز بھی پکڑے گئے ہیں۔
طالبان ترجمان ذبیح اللہ مجاہد نے بتایا کہ امارت اسلامیہ کے مجاہدین نے خفیہ اطلاع پر صوبہ بدخشاں میں 25 ٹن لاجورد پتھر کی اسمگلنگ کو روکتے ہوئے 3 اسمگلرز کو گرفتار کر لیا ہے۔
#خــبر:
د اسلامي امارت مجاهدینو د یو لړ کشفي عملیاتو په ترڅ کې په بدخشان ولایت کې د ۲۵ ټنه لاجورد تیږې له قاچاق څخه مخنیوی وکړ او په دې تړاو یې۳ تنه قاچاقچیان ژوندي ونیول. pic.twitter.com/tVjsoClkZw— Zabihullah (..ذبـــــیح الله م ) (@Zabehulah_M33) September 28, 2021
واضح رہے کہ لاجورد فیروزے کی قسم کا مگر اس سے زیادہ عمدہ، مور کی گردن کے رنگ کے مشابہ جوہردار پتّھر ہے، اس پر سنہری نقطے ہوتے ہیں، اور یہ زیادہ قیمتی اور پسندیدہ سمجھا جاتا ہے، اسے پیس کر تصاویر وغیرہ اور دواؤں میں بھی استعمال کرتے ہیں۔
