The news is by your side.

Advertisement

افغانستان میں خودکش دھماکہ‘کم ازکم 8افراد ہلاک

کابل: افغانستان کے جنوبی صوبے ہلمند میں خودکش کار دھماکے کے نتیجے میں کم ازکم 8افراد ہلاک اور متعدد زخمی ہوگئے۔

تفصیلات کےمطابق افغانستان کے صوبے ہلمند کے شہر لشکرگاہ میں افغان فوجی اہلکار بینک سےتنخواہ لینےپہنچےتووہاں موجود حملہ آور نے بارود سے بھری گاڑی کودھماکے سےاڑادیا۔

خودکش حملےمیں آٹھ افراد ہلاک جبکہ خواتین وبچوں سمیت 20 سےزائد افراد زخمی بھی ہوئے،جن میں سے متعدد کی حالت تشویش ناک ہے۔

افغان شہرلشکرگاہ میں خودکش حملے کی ذمہ داری طالبان نے قبول کی ہے،جس کا صوبے کے بڑے علاقے پر پہلے سے قبضہ ہے۔

ہلمند پولیس چیف آغا نور کِنتوز کا کہناہےکہ ’خودکش کارحملے میں 5 فوجیوں سمیت 6 افراد ہلاک جبکہ 21 زخمی ہوئے‘۔

دوسری جانب طالبان نے اپنی ویب سائٹ پر خودکش حملے میں شہری کے ہلاک ہونے کی تردید کرتے ہوئےدعویٰ کیا کہ حملے میں 21 افغان فوجی اہلکار ہلاک ہوئے۔

مزید پڑھیں:کابل میں‌ سپریم کورٹ پر خودکش حملہ، ہلاکتیں 20 ہوگئیں

واضح رہےکہ اس سےقبل گزشتہ ہفتےافغان دارالحکومت کابل میں سپریم کورٹ کی عمارت کے قریب ہونے والے خود کش حملے میں 20افراد جاں بحق ہوگئےتھے۔

Print Friendly, PDF & Email

Comments

comments

یہ بھی پڑھیں