site
stats
پاکستان

طالبان میری اولاد ہیں، مولانا سمیع الحق

لاہور: جمیعت علماء اسلام س کے سربراہ اور دفاع پاکستان کونسل کے رہنما مولانا سمیع الحق نے کہا ہے کہ طالبان میری اولاد ہیں کیونکہ وہ آزادی کی جنگ لڑ رہے ہیں اور ملک کو آزاد کروارہے ہیں۔

لاہورمیں تحفظ علما ومدارس کنونشن سےخطاب میں مولانا سمیع الحق نے طالبان کو اپنی اولاد قرار دیتے ہوئے کہا کہ ’’ہم اُن پر فخر ہے کہ وہ آزادی کی جدوجہد میں مصروفِ عمل ہیں اور ملک کو آزاد کروارہے ہیں‘‘۔

انہوں نے کہا کہ ’’طالبان نے پہلے سویت یونین کو شکست دی پھرامریکا سے ٹکرائے، انہیں سب نے رد کیا تو ہم نے اپنایا کیونکہ وہ ہمارے بچے ہیں اور آزادی کی جدوجہد کررہے ہیں‘‘۔

مولانا سمیع الحق کایہ بیان اس وقت سامنےآیا ہے کہ جب انسدادہشت گردی اقدامات پر سپریم کورٹ نےوزارت داخلہ کوچارج شیٹ کیا ہے۔

خیال رہے سانحہ کوئٹہ کے حوالے سے سپریم کورٹ کی جانب سے بنائے گئے کمیشن نے دہشت گردی میں ناکامی کا ذمہ دار وفاقی اور صوبائی حکومتوں کو ٹھہراتے ہوئے پانچ سوالات پر مبنی ایک رپورٹ جاری کی تھی۔


 ‘‘یہ بھی پڑھیں: ’’ حکومت ووٹ کے لیے لدھیانوی سے رابطہ کرتی ہے، جماعت اسلامی


کمیشن کی جانب سے جاری کردہ رپورٹ میں وزیر داخلہ سے صفائی مانگی گئی تھی کہ وہ کالعدم جماعتوں کے سربراہان سے ملاقاتیں کیوں کرتے اور انہیں جلسے کی اجازتیں کیوں دیتے ہیں۔


 ‘‘پڑھیں: ’’ کمیشن کی رپورٹ کو ہر فورم پر چیلنج کروں گا، چوہدری نثار


کمیشن کی رپورٹ منظر عام پر آنے کے بعد وزیر داخلہ چوہدری نثار علی خان نے جارحانہ پریس کانفرنس میں رپورٹ کو ہر فورم پر چیلنج کرنے کا اعلان کرتے ہوئے کہا تھا کہ ’’کمیشن کی جانب سے بھیجے گئے سوالات ذاتی ہیں ان کا وزارت سے کوئی تعلق نہیں ہے‘‘۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top