قندھار: افغانستان میں ایک پولیس اہلکار نے اپنے ساتھیوں پر فائرنگ کرکے 10 پولیس اہلکاروں کو قتل کردیا، گزشتہ ہفتے پولیس اہلکاروں پر اپنے ہی ساتھی کا یہ دوسرا حملہ ہے۔
طالبان کے حامی اس پولیس اہلکار نے بعد ازاں اپنے ساتھیوں کا اسلحہ چرایا اورپولیس چوکی سے فرار ہونے میں کامیاب ہوگیا۔
افغان پولیس حکام کے مطابق مذکورہ پولیس اہلکارطالبان کا ساتھی تھا، پہلے اس نے اپنے ساتھیوں کو کوئی نشہ آور شے فراہم کی جس کے استعمال وہ سب ہوش وہواس سے بیگانہ ہوگئے اوراس کے بعد پولیس اہلکار نے اپنے ساتھیوں کو قتل کردیا۔
دوسری جانب افغان طالبان کے ترجمان ذبیح اللہ مجاہد نے واقعے کا ایک اور رخ پیش کرتے ہوئے کہا ہے کہ مذکورہ چوکی پرحملہ ان کے ساتھیوں نے کیا اورواقعے میں نو افراد مارے گئے۔
جنوری 17، کو افغان پولیس اہلکارنے ارزگان میں اپنے ہی چار ساتھیوں کو قتل کردیا تھا۔
