The news is by your side.

Advertisement

طالبان کا سیکیورٹی اہلکاروں پر حملہ، 6 اہلکار ہلاک

کابل: افغانستان کے صوبے غزنی میں طالبان نے سیکیورٹی اہلکاروں پر حملہ کردیا، جس کے نتیجے میں چھ اہلکار ہلاک ہوگئے۔

تفصیلات کے مطابق شدت پسند کی جانب سے افغان صوبے غزنی میں خودکش کار بم حملے سے پولیس کمپاﺅنڈ کو نشانہ بنایا گیا، جس کے باعث چھ اہلکار موقع پر ہی ہلاک ہوگئے۔

غیر ملکی خبر رساں ادارے کے مطابق اس حملے میں درجنوں اہلکار زخمی بھی ہوئے، جبکہ ملکی فورسز نے علاقے کو گھیرے میں لے کر سرچ آپریشن کیا اور علاقے کو کلیئر قرار دے دیا۔

صوبائی حکام نے اتوار کو بتایا کہ ہفتے کی شب ایک خود کش کار حملے کی مدد سے ایک پولیس کمپاﺅنڈ کو نشانہ بنایا گیا، جس کی وجہ سے متعدد افراد زخمی بھی ہوئے۔

فوری طور پر کسی گروہ نے اس حملے کی ذمہ داری قبول نہیں کی، البتہ حکام نے حملے کا ذمہ دار طالبان کو قرار دیا ہے، قبل ازیں بائیس مئی کو بھی اس شہر میں ایک بم دھماکا کیا گیا تھا، جس کی ذمہ داری طالبان نے قبول کی تھی۔ اس کارروائی میں چار افراد مارے گئے تھے۔

افغان تنازع، امریکا بات چیت کے لیے مستقبل میں سنجیدہ رہے: طالبان کا مطالبہ

دوسری جانب افغان طالبان کی جانب سے امریکا سے مطالبہ کیا گیا ہے کہ تنازعے کے حل کے لیے مستقبل میں‌ سنجیدگی کا مظاہرہ کرے۔

خیال رہے کہ گذشتہ روز طالبان رہنما ہیبت اللہ اخوند زادہ نے اپنے ایک بیان میں کہا تھا کہ امریکا کو مذاکرات میں دلیل اور تفہیم کی پالیسی اپنانے کی ضرورت ہے، ساتھ ہی طالبان کی مذاکرات کی تجویز کو قبول کرے۔

Comments

comments

یہ بھی پڑھیں