The news is by your side.

طالبان رہنماؤں نے ٹوئٹر بلیو ٹک کیلیے ادائیگیاں شروع کر دیں

کابل: طالبان رہنماؤں کی جانب سے معروف مائیکرو بلاگنگ ویب سائٹ ٹوئٹر کے تصدیقی فیچر ’بلیو ٹک‘ کے استعمال کے لیے ادائیگیوں کا عمل شروع کر دیا گیا۔

غیر ملکی میڈیا کی رپورٹس کے مطابق افغانستان میں دو طالبان رہنما اور ان کے چار حامی ٹوئٹر اکاؤنٹس بلیو ٹک کا استعمال کر رہے ہیں۔ بلیو ٹک حاصل کرنے والوں میں طالبان حکومت میں شعبہ برائے معلومات تک رسائی کے سربراہ ہدایت اللہ ہدایت کا اکاؤنٹ بھی شامل ہیں۔

ہدایت اللہ ہدایت کے ایک لاکھ ستاسی ہزار سے زائد فالوورز ہیں۔

میڈیا واچ ڈاگ کے سربراہ عبد الحق حماد کے اکاؤنٹ پر بھی بلیو ٹک ہے۔ ان کے فالوورز کی تعداد ایک لکھ ستر ہزار ہے۔

طالبان کے نامور حامیوں نے بھی بلیو ٹک حاصل کر لیا ہے۔ طالبان اہلکار کے طور پر پہچانے جانے والے محمد جلال نے اپنی پوسٹ میں ایلون مسک کی تعریف کرتے ہوئے لکھا: ’ایلون مسک ٹوئٹر کو دوبارہ سے عظیم بنا رہے ہیں۔‘

Comments

یہ بھی پڑھیں