The news is by your side.

Advertisement

طالبان نے پولیس فورس کی نئی وردی متعارف کروادی

طالبان نے پولیس فورس کے لیے نیا یونیفارم متعارف کروادیا جس میں اہلکاروں کو گہرے سبز لباس میں دیکھا جاسکتا ہے۔

غیرملکی خبررساں ادارے کی رپورٹ کے مطابق طالبان حکام نے اپنی تشکیل نو افغان پولیس فورس کے لیے نئی یونیفارم متعارف کروایا ہے۔

گزشتہ سال 20 سالہ جنگ اور غیر ملکی افواج کے انخلا کے بعد، طالبان کی فوجی پیش قدمی کے سامنے مغربی حمایت یافتہ حکومت اور اس کے سیکیورٹی ادارے منہدم ہوگئے۔

وزارت داخلہ نے جس کی قیادت طالبان حکام کر رہے تھے انہوں نے ایک پریس کانفرنس میں اعلان کیا کہ پولیس فورس کے لیے ایک نئی وردی تیار کی گئی ہے۔

بریفنگ میں کچھ افسران کی جانب سے پہنے جانے والی نئی وردیوں پر نظر آنے والی اہم تبدیلیاں رنگ کے لحاظ سے تھیں جو اب سرمئی نیلے کی بجائے گہرا سبز ہو گیا ہے اور افغانستان کے سہ رنگی ریپبلکن پرچم کی جگہ طالبان کی امارت اسلامیہ کے جھنڈے کو تبدیل کرنا تھا۔

طالبان روایتی جمہوریہ پرچم کو تسلیم نہیں کرتے جسے مغربی حمایت یافتہ حکومتیں استعمال کرتی ہیں جو 2001 میں غیر ملکی افواج کے طالبان حکومت کا تختہ الٹنے کے بعد اقتدار میں آئی تھیں۔

طالبان نے 1996 سے 2001 تک حکومت کرتے وقت اسلامی امارت کا جھنڈا بھی استعمال کیا تھا جو سفید سیاہ عربی حروف کے ساتھ اسلام کے بنیادی اصول کو ظاہر کرتا ہے۔

قائم مقام نائب وزیر داخلہ مولوی نور جلال جلالی نے کہا کہ نئی وردیوں والی پولیس فورس کو اقتدار سنبھالنے کے بعد سے اولین ترجیح دی گئی ہے لیکن انہوں نے اس کے حجم کے بارے میں تفصیلات نہیں بتائیں۔

وزارت داخلہ کے ترجمان عبدالنفی تکور نے کہا کہ 20,000 یونیفارم ایک مقامی کمپنی سے کنٹریکٹ کے تحت تیار کی گئی ہیں اور آنے والے ہفتوں میں مزید 100,000 یونیفارم تیار کی جائیں گی۔

Comments

یہ بھی پڑھیں