تامل ناڈو: بھارت میں وزیر نے سفید جوتوں کو گندا ہونے سے بچانے کے لیے عجیب و غریب حرکت کی جس کی ویڈیو سوشل میڈیا پر وائرل ہوگئی۔
بھارتی ریاست تامل ناڈو کے وزیر فشریز انیتا آر رادھا کرشنن کو ماہی گیر کی جانب سے گود میں اٹھا کر ساحل پر لے جانے کی ویڈیو سوشل میڈیا پر وائرل ہورہی ہے۔
وزیر کی ویڈیو اس وقت منظرعام پر آئی جب وہ سمندری کٹاؤ کے اثرات کی تحقیقات کے لیے پالاور جارہے تھے۔
فشریز کے وزیر سمندری کٹاؤ کے اثرات کا قریب سے معائنہ کرنے کے لیے کشتی پر سوار ہوئے جب کشتی ساحل کے کنارے پر پہنچی تو رادھا کرشنن نے محسوس کیا کہ انہیں ٹخنوں سے گہرے پانی میں ساحل تک پہنچنے کے لیے کچھ قدم چلنا پڑے گا اور ان کے جوتے بھی خراب ہوجائیں گے۔
ویڈیو میں دیکھا جاسکتا ہے کہ ماہی گیر وزیر کو گود میں اٹھا کر ساحل تک لے جارہا ہے کیونکہ موصوف اپنے چمکدار سفید جوتے اور کپڑے پانی سے خراب نہیں کرنا چاہتے تھے۔
WATCH: #TamilNadu minister is carried by a fisherman, in barely ankle-deep water, ostensibly to keep his expensive, sparkling white sneakers and dhoti clean. pic.twitter.com/DKSOTeAtjn
— Zee News English (@ZeeNewsEnglish) July 8, 2021
سوشل میڈیا صارفین کی جانب سے رادھا کرشنن کو وی وی آئی پی رویے پر تنقید کا نشانہ بنایا جارہا ہے۔
ایک صارف نے لکھا کہ ’وزیر خود غرض ہے اس نے ساتھ لے جانے والے ماہی گیر کی فکر نہیں کی، ایک اور صارف نے کہا کہ یہ وزیر بننے کے قابل ہی نہیں ہیں۔
ایک تیسرے صارف نے لکھا کہ ’غریب ماہی گیر پر اپنی طاقت کا مظاہرہ کرنا انتہائی ظلم ہے۔‘