ٹنڈوالہ یار میں ایک مدرسے کے اندر 12 سالہ بچے کو مبینہ طور پر زیادتی کا نشانہ بنانے اور نشہ آور گولیاں کھلا کر قتل کرنے کا انتہائی افسوسناک واقعہ سامنے آیا ہے، جس میں ملوث مدرسے کے ہی ایک طالب علم کو پولیس نے گرفتار کر لیا ہے۔
پولیس حکام کے مطابق گرفتار ملزم نور علی معصوم بچے کو نشہ آور گولیاں کھلا کر اس کے ساتھ مبینہ طور پر زیادتی کرتا رہا۔ پولیس تفتیش میں یہ بات سامنے آئی ہے کہ نشہ آور گولیوں کی زیادہ مقدار دینے کے باعث ہی معصوم بچے کی موت واقع ہوئی۔
پولیس کا کہنا ہے کہ شواہد اور سیمپل میچ ہونے کے بعد گرفتار ملزم نور علی نے پولیس حراست میں اپنے جرم کا باقاعدہ اعتراف کر لیا ہے۔
اس ہولناک واقعے کا مقدمہ مقتول بچے کے ورثا کی مدعیت میں ٹنڈوالہ یار کے تھانہ چمبڑ میں درج کر کے مزید قانونی کارروائی شروع کر دی گئی ہے۔
