imran جب تک زندہ ہوں نوازشریف کا پیچھا نہیں چھوڑوں گا، عمران خان
The news is by your side.

Advertisement

جب تک زندہ ہوں نوازشریف کا پیچھا نہیں چھوڑوں گا، عمران خان

ٹنڈو محمد خان : پاکستان تحریک انصاف کے چیئرمین عمران خان نے کہا ہے کہ جب تک زندہ ہوں نوازشریف کا پیچھا نہیں چھوڑوں گا، نیب کےسابق چیئرمین نے کمزورکیس بنا کرشہباز شریف کو بچالیا، اداروں کو تبا ہ کرنے والے کبھی ادارے ٹھیک نہیں کرسکتے۔

ان خیالات کا اظہار انہوں نے پی ٹی آئی کے زیر اہتمام ٹنڈٖو محمد خان میں جلسہ عام سے خطاب کرتے ہوئے کیا، عمران خان نے سابق نااہل وزیر اعظم کو اپنی تنقید کا نشانہ بناتے ہوئے کہا کہ جب تک زندہ ہوں نوازشریف کا پیچھا نہیں چھوڑوں گا۔

اچھا ہوا جو حدیبیہ پیپر کیس میں شہباز شریف نااہل نہیں ہوئے، کمزورٹیموں سے کھیلنےمیں مزہ نہیں آتا، نیب کےسابق چیئرمین نےکمزورکیس بنا کر شہبازشریف کو بچالیا،عوام کے ساتھ مل کران چورروں کامقابلہ کریں گے۔

ان کا مزید کہنا تھا کہ سندھ پولیس عوام کی حفاظت کے بجائے وزراء کی ایما پر سیاسی مخالفین کوتنگ کرتی ہے، آئی جی سندھ کی رپورٹ کےمطابق14ہزاراہلکاروں پرکرپشن کا کیس ہے، اس کے مقابلے میں کےپی کے پولیس عالمی معیار کی پولیس بن چکی ہے۔

انہوں نے بتایا کہ خیبرپختونخوا میں جرائم کی شرح نیچے آگئی ہے، دہشت گردی بھی کم ہوئی، نواز لیگ اور پی پی نے6، چھ دفعہ باریاں لیں، پولیس کو کیوں نہیں ٹھیک کیا گیا؟ ادارے تباہ کرنے والےکبھی بھی اداروں کو ٹھیک نہیں کرسکتے۔

عمران خان کا کہنا تھا کہ ٹنڈو محمدخان شوگر ملز اس لیے بند ہیں کہ یہاں جنگل کاقانون ہے، آصف زرداری ٹنڈو محمد خان میں ایک اورشوگرمل لیناچاہتاہے۔


مزید پڑھیں: اللہ کاشکرگزارہوں، عدالتی فیصلہ تسلیم کرتےہیں،عمران خان


انہوں نے کہا کہ جس طرح کی کرپشن سندھ میں ہے یہاں کسی نے سرمایہ کاری نہیں کرنی، یہاں مل لگانے والا سرمایہ کار دعا کرتا ہوگا کہ شوگر مل کے پی کے لےجاؤں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Comments

comments

یہ بھی پڑھیں