The news is by your side.

Advertisement

اسپیشل نوجوان کاخواب حقیقت بن گیا، جان سینا سے ملاقات کی خواہش پوری

اسلام آباد : نجی فلاحی تنظیم میک اے وش کی جانب سے کراچی سے تعلق رکھنے والے سترہ سالہ تنزیل الرحمٰن کی مشہور ریسلر جان سینا سے ملاقات کی خواہش پوری کردی گئی۔ تنزیل الرحمٰن نے اپنے ہیرو کو اجرک اور سندھی ٹوپی کاتحفہ دیا۔

تفصیلات کے مطابق کراچی کے تنزیل الرحمان کی سابق ورلڈ ریسلنگ چمیپین جان سینا سے ملاقات کا سپنا سچ ہوگیا۔ جان لیوا مریض میں مبتلا تنزیل الرحمٰن نےڈبلیو ڈبلیو ای کے مشہور ریسلر جان سینا سے ملنے کی خواہش کا اظہار کیا تھا۔

نجی فلاحی تنظیم کی کوششوں کے بعد بلاآخر تنزیل الرحمٰن کی جان سینا سے ملاقات کرائی گئی۔ تنزیل اپنے ہیرو سے مل کربہت خوش دکھائی دئیے۔

ملاقات میں تنزیل الرحمان نے سابق ورلڈ ریسلنگ چیمپین سے غیر رسمی بات چیت کی اور کہا کہ وہ ان کے بہت بڑے فین ہیں اور ان کے تمام مقابلے بے حد شوق سے دیکھتے ہیں.

اس موقع پر سترہ سالہ تنزیل الرحمٰن نے اپنے ہیرو جان سینا کو اجرک اور سندھی ٹوپی کاتحفہ پیش کیا جسے انہوں نے بہت خوشی سے قبول کیا، جان سینا اپنے سترہ سالہ فین تنزیل الرحمان سے بڑے پیار اور خلوص سے ملے اور ان سے باتیں بھی کیں۔

 

جان سینا سے ملاقات کے انتظامات میک اے وش فاونڈیشن کی جانب سے کئے گئے تھے۔ یاد رہے کہ سترہ سالہ تنزیل الرحمان اہنے ہاتھ پاؤں کو حرکت نہیں دے پاتے ہیں اور اس بیماری میں مبتلا مریضوں کی زیادہ سے زیادہ عمر تقریباً بیس سال ہی ہوتی ہے۔

 

Print Friendly, PDF & Email

Comments

comments

یہ بھی پڑھیں