The news is by your side.

خیبر پختونخوا سے ٹیرنٹولا اور بچھوؤں کی اسمگلنگ کی ایک اور کوشش ناکام

پشاور: خیبر پختونخوا سے ٹیرنٹولا اور بچھوؤں کی اسمگلنگ کی ایک اور کوشش ناکام بنا دی گئی۔

تفصیلات کے مطابق محکمہ جنگلات و جنگلی حیات نے ایک کارروائی میں قیمتی مکڑیوں اور بچھوؤں کی غیر قانونی ترسیل ناکام بنا دی۔

خیبر پختون خوا میں قیمتی مکڑیوں اور بچھوؤں کی اسمگلنگ کے واقعات میں اضافہ سامنے آ رہا ہے، تازہ واقعے میں ملزم کو ٹیرنٹولا مکڑی دالوالہ ایبٹ آباد سے اسلام آباد لے جاتے ہوئے گرفتار کیا گیا۔

محکمہ وائلڈ لائف ایبٹ آباد نے مکڑیوں اور بچھو کی اسمگلنگ میں ملوث ملزم کو گرفتار کیا۔

ترجمان محکمہ جنگلات و جنگلی حیات لطیف الرحمٰن نے بتایا کہ ہزارہ ڈویژن میں اس طرح کے نایاب حشرات بکثرت پائے جاتے ہیں، موسم برسات میں یہ حشرات بلوں سے نکل کر پہاڑی سطح پر آ جاتے ہیں، اس لیے اسمگلر ان دنوں میں ان پہاڑی سلسلوں کا رخ کرتے ہیں۔

ٹیرنٹولا مکڑی کی اسمگلنگ ناکام ، ملزم گرفتار

محکمہ وائلڈ لائف کے مطابق ٹیرنٹولا مکڑی، بچھو، جیکو چیتا چھپکلی کو یہاں پکڑ کر تھائی لینڈ اور چاپان اسمگل کیا جاتا ہے، اور ان کی قیمت وزن اور سائز کے حساب سے لگائی جاتی ہے۔

ماہرین کے مطابق ان حشرات کے جسم سے رطوبت، تیل اور زہر نکال کر اس کو موذی امراض کے علاج کی ادویات میں استعمال کیا جاتا ہے۔

Comments

یہ بھی پڑھیں