The news is by your side.

Advertisement

’دو دن کی جیل سے نذیر چوہان کی ہوا نکل گئی‘

لاہور: جہانگیر ترین گروپ کے رہنما راجہ ریاض کا کہنا ہے کہ دو دن کی جیل سے نذیر چوہان کی ہوا نکل گئی۔

اے آر وائی نیوز کے پروگرام ’آف دی ریکارڈ‘ میں جہانگیر ترین گروپ کے راجہ ریاض نے ساتھی نذیر چوہان کے بیان پر ردعمل دیتے ہوئے کہا کہ نذیر چوہان دودھ پیتے بچے نہیں بڑے جذباتی آدمی ہیں۔

راجہ ریاض نے کہا کہ نذیر چوہان کا جیل سے آنے کے بعد بیانیہ یکدم بدل گیا اب ہمیں ان سے رابطے کی ضرورت نہیں ہے۔

انہوں نے کہا کہ نذیر چوہان کو شروع سے سمجھاتے تھے آرام سے چلیں سیاست ہے، وہ خود چل کر جہانگیر ترین کی حمایت میں آئے تھے۔

ایک سوال کے جواب میں راجہ ریاض نے کہا کہ ہم سب اور جہانگیر ترین کے قائد عمران خان ہیں، کچھ غلط فہمیاں ہیں جس کی بنیاد پر ہم نے جہانگیر ترین کی حمایت کی، ہم سمجھتے ہیں کہ ان کے ساتھ ناانصافی ہورہی ہے۔

راجہ ریاض نے کہا کہ نذیر چوہان نے عمران خان کے خلاف بیان دیا جس پر انہیں سمجھایا، جیل میں رہنا مشکل کام ضرور ہے اصول والے کھڑے رہتے ہیں۔

مزید پڑھیں: ’مجھے استعمال کرنے پر جہانگیر ترین کو شرم آنی چاہیے‘: نذیر چوہان

انہوں نے کہا کہ جہانگیر ترین کی حمایت میں ہمارا گروپ قائم رہے گا، نذیر چوہان کو ہم نے گروپ میں زبردستی نہیں بلایا تھا، گروپ میں کسی بھی ممبر کو زبردستی شامل نہیں کیا۔

راجہ ریاض نے کہا کہ نذیر چوہان کے استعمال کرنے کے بیان کی مذمت کرتا ہوں، چوہان خود گروپ میں آئے جیل جانے کے بعد مؤقف بدل گیا۔

Comments

یہ بھی پڑھیں