The news is by your side.

Advertisement

لاہورہائیکورٹ نے ایف بی آرکو جہانگیر ترین کی شوگرملز کیخلاف آڈٹ کا حتمی فیصلہ کرنے سے روک دیا

لاہور : ہائیکورٹ نے ایف بی آرکو جہانگیر ترین کی شوگرملز کیخلاف آڈٹ کا حتمی فیصلہ کرنے سے روک دیا اور جےڈبلیوشوگرملز سمیت وفاقی حکومت کے وکلا کو کل دلائل کیلئے طلب کرلیا ۔

تفصیلات کے مطابق لاہورہائی کورٹ میں جہانگیر ترین کی شوگرملزکاآڈٹ کرنے سے روکنے کی دائر درخواست پرسماعت ہوئی ، جسٹس راحیل کامران نے سماعت کی۔

درخواست گزار نے کہا کہ ایف بی آر نے 21مئی کو آڈٹ کرنے کا نوٹس بھجوایا، انکم ٹیکس سے متعلق دستاویز اور ریکارڈمانگا گیا ہے، ایف بی آرکو5 برس گزرنے کے بعد آڈٹ کا اختیار نہیں۔

درخواست میں کہا گیا کہ 2015کا ٹیکس آڈٹ کرنے کا قانونی عرصہ گزر چکا ہے، آڈٹ نوٹس غیر قانونی طورپربھیجا گیا ہے، آڈٹ نوٹس کالعدم اور ایف بی آر کو تادیبی کارروائی سے روکا جائے۔

عدالت نے ایف بی آر کو جہانگیر ترین کی شوگرملز کیخلاف آڈٹ کا حتمی فیصلہ کرنے سے روکتے ہوئے درخواست گزار جے ڈبلیو شوگر ملز اور وفاقی حکومت کے وکلا کو کل دلائل کیلئے طلب کرلیا ۔

Comments

یہ بھی پڑھیں