site
stats
سندھ

کراچی: کالعدم جماعت کا سرگرم رکن انٹر بورڈ سے گرفتار

کراچی: پولیس نے انٹر میڈیٹ بورڈ آفس کی حدود سے کالعدم تنظیم کے دہشت گرد کو گرفتار کرلیا۔

تفصیلات کے مطابق پولیس نے انٹر بورڈ میں کارروائی کرتے ہوئے ملزم ابراہیم عرف چھوٹا پٹھان کو گرفتار کرلیا، پولیس کے مطابق ملزم دہشت گردی اور ٹارگٹ کلنگ کی وارداتوں میں ملوث ہے۔

ایس ایس پی نوید خواجہ نے بتایا کہ ملزم ابراہیم کا تعلق کالعدم تنظیم سے ہے، ملزم کو انٹر بورڈ آفس نارتھ ناظم آباد سے گرفتار کیا گیا، ملزم فرقہ وارانہ ٹارگٹ کلنگ میں بھی ملوث ہے۔

ایس ایس پی کے مطابق ملزم کا ساتھی شوکت چانگ جیل سے معاملات چلاتا تھا، ملزم نے سی ٹی ڈی اہلکاروں،ایم ایل او جناح اور دیگر کی ریکی بھی کر رکھی تھی۔

انہوں نے بتایا کہ ملزم آپریشن ضرب عضب اور ردالفساد کے باعث روپوش تھا،ملزم اپنے گروہ کو دوبارہ کراچی میں فعال کرنا چاہتا تھا، ملزم کے خلاف نارتھ ناظم آباد،منگھوپیر اور کورنگی میں مقدمات درج ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top