The news is by your side.

Advertisement

حماد صدیقی کے کہنے پر 5 افراد کو قتل کیا، ٹارگٹ کلر ناصر ڈیزل

کراچی : ٹیپو سلطان سے گرفتار ٹارگٹ کلر نے اپنے اقبالی بیان میں 5 افراد کو قتل کرنے کا اعتراف لیا ہے، قتل کی وارداتیں حماد صدیقی کی ہدایات پر کیں۔

تفصیلات کے مطابق کراچی کے علاقے ٹیپو سلطان سے گرفتار کیے گئے ٹارگٹ کلر نے دوران تفتیش 5 افراد کے قتل کی ذمہ داری قبول کر لی ہے، ملزم کا کہنا ہے کہ کارروائیاں پارٹی کے اعلیٰ عہدیداروں کے حکم پر کیں۔

گرفتار ملزم ناصر ڈیزل نے اپنے ویڈیو بیان میں اعتراف کیا کہ سابق رکن اسمبلی منظر امام کے قتل کے بعد کراچی تنظیمی کمیٹی کے انچارج حماد صدیقی کی ہدایت پر اورنگی ٹاؤن میں پاکستان پیپلز پارٹی کے علاقوں میں فائرنگ کی تا کہ رکن صوبائی اسمبلی کے قتل کا الزام پیپلز پارٹی پر جائے۔

زرائع کے مطابق ملزم ناصر عرف ڈیزل کا تعلق ایم کیو ایم سے ہے جسے قانون نافذ کرنے والے اداروں نے آج صبح گرفتار کیا تھا، ملزم ہوشرباء وارداتوں کا اعتراف کرلیا ہے جس کی روشنی میں مزید تحقیقات کا عمل جاری ہے اور جلد ہی متعدد گرفتاریاں عمل میں لائی جائیں گی۔

واضح رہے کراچی تنظیمی کمیٹی کے سربراہ حماد صدیقی اس وقت بیرون ملک مقیم ہیں جو سانحہ بلدیہ فیکٹری سمیت متعدد مقدمات میں پولیس کو مطلوب ہے۔

Print Friendly, PDF & Email

Comments

comments

یہ بھی پڑھیں