تازہ ترین

انتہائی مطلوب ٹارگٹ کلر رئیس مما انٹرپول کے ذریعے گرفتار، ملزم ملائیشیا سے پاکستان منتقل

کراچی: ایم کیو ایم سے تعلق رکھنے والا انتہائی مطلوب ٹارگٹ کلر رئیس مما کو انٹرپول کے ذریعے گرفتار کر لیا گیا.

تفصیلات کے مطابق ایم کیوایم کے سابق سیکٹر انچارج کورنگی رئیس مما کو پولیس نے کراچی ایئرپورٹ پر اپنی تحویل میں لیا. رئیس مما کو دو ماہ پہلے ملائیشیا میں گرفتار کیا گیا تھا۔

سانحہ بلدیہ فیکٹری اور چکرا گوٹھ کیس میں مبینہ طور پر ملوث ایم کیو ایم کے مفرور سابق سیکٹر انچارج کو کراچی تنظیمی کمیٹی کے سابق انچارج حماد صدیقی کا قریبی ساتھی تصور کیا جاتا ہے، ملزم دہشت گردی، قتل اور بھتہ خوری کے کئی مقدمات میں مطلوب تھا۔ ایس ایس پی کورنگی کے مطابق ملزم رئیس مما سے مزید تفتیش جاری ہے۔

یاد رہے کہ دو ماہ قبل ملائیشیا میں رئیس مما کی گرفتاری انٹرپول کے ذریعے عمل میں لائی گئی، البتہ ملزم کی پاکستان منتقلی سے متعلق متفرقہ اطلاعات تھی، البتہ اب انتہائی مطلوب ٹارگٹ کلر کو پاکستان منتقل کر دیا گیا، جہاں سیکیورٹی اداروں نے اسے تحویل میں لے لیا ہے۔

خیال رہے کہ اس سے قبل سانحہ بلدیہ فیکٹری کیس کے مرکزی ملزم رحمان بھولا کو بھی انٹر پول کے ذریعے ملائیشیا کے ایک ہوٹل سے حراست میں لیا گیا تھا اور رحمان بھولا آج کل عدالتوں میں پیشیاں بھگت رہا ہے، اس تناظر میں رئیس مما کی گرفتاری مزید اہمیت اختیار کر گئی ہے.

یاد رہے کہ چند ماہ قبل حماد صدیقی کی دبئی سے گرفتاری کے فوری بعد رئیس مما کی گرفتاری کی اطلاعات بھی موصول ہوئی تھیں۔


ایم کیوایم کے سابق سیکٹرانچارج رئیس مما ملائیشیا سے گرفتار


کراچی میں خوف اور دہشت کی علامت رئیس مما کون ہے ؟


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

- Advertisement -