The news is by your side.

Advertisement

ٹارگٹ کلراورگینگ وارسمیت چھ ملزمان گرفتار ،اسلحہ برآمد

کراچی : مختلف علاقوں میں رینجرزاور پولیس کی کارروائیاں جاری ہیں، ٹارگٹ کلر اورگینگ وار سمیت چھ ملزمان کو گرفتار کرکے اسلحہ برآمد کرلیا گیا۔

تفصیلات کے مطابق کھارادر میں رینجرز نے کارروائی کرکے عسکری ونگ کے ٹارگٹ کلر کو گرفتار کرلیا، ترجمان رینجرز کے مطابق ٹارگٹ کلر عدنان عرف اے ڈی نے دوران تفتیش 17 افراد کی ٹارگٹ کلنگ کا اعتراف کیا ہے جن میں گینگ وار کے کارندے اور فرقہ وارانہ ٹارگٹ کلنگ شامل ہے۔

ترجمان کاکہنا ہے کہ ملزم نے دوران تفتیش اعتراف کیا ہے کہ اس نے عسکری ونگ کے عابد عرف چیئرمین کی ہدایت پر را کے تربیت یافتہ دہشت گردرشید احمد کو حیدرآباد میں اپنے گھر میں پناہ دی۔عدالت نے ملزم کو نوے روز کیلئے تحویل میں دیدیا۔

دوسری جانب کراچی کے مختلف علاقوں میں پولیس نے کارروائی کرکے گینگ وار سمیت پانچ ملزمان کو گرفتار کرکے اسلحہ برآمد کرلیا۔

پولیس کے مطابق اورنگی انڈسٹریل ایریا تھانے کی حدود ملیر ندی کے قریب مبینہ پولیس مقابلے کے بعد تین ڈکیتوں کوگرفتار کرکے اسلحہ اور لوٹا ہوا سامان برآمدکرلیا۔

کھارا در پولیس نے مبینہ مقابلے کے بعد لیاری گینگ وار کے دو ملزمان کو زخمی حالت میں گرفتار کرکے اسلحہ برآمد کرلیا۔

کلفٹن کے علاقے میں پولیس نے گذشتہ سال لانڈھی تھانے پر حملے اور کریکر بم حملے میں ملوث ملزم کو گرفتار کرلیا، ملزم نے فلیٹوں پر قبضہ کرکے انہیں فروخت کیا تھا۔

Comments

comments

یہ بھی پڑھیں